Издательский дом Редакция Подписка
Погода в Якутске: . -8 oC

Камчатка кыраайын парламенын дьокутааттара көҥүлэ суох бөх тоҕор сирдэри суох оҥорууга эбии үбү-харчыны биэрэргэ сүбэлииллэр. Туһааннаах судаарыстыбаннай бырагырааманан 2023 сылга ити сыалга 12 мөл. солк. былааннанна.

Камчатка кыраайын парламенын дьокутааттара көҥүлэ суох бөх тоҕор сирдэри суох оҥорууга эбии үбү-харчыны биэрэргэ сүбэлииллэр. Туһааннаах судаарыстыбаннай бырагырааманан 2023 сылга ити сыалга 12 мөл. солк. былааннанна.

Камчатскай кыраайга көҥүлэ суох бөх тоҕор сирдэри суох оҥоруу боппуруоһун Оксана Герасимова салайааччылаах кыраай парламенын айылҕа харыстабылыгар сис кэмитиэтин мунньаҕар дьүүллэстилэр. Мунньах үлэтигэр кэмитиэт чилиэннэрин таһынан, ситэриилээх былаас, борокуратуура, тобохтору хомуйууга уонна утилизациялааһыҥҥа эппиэттиир тэрилтэлэр бэрэстэбиитэллэрэ, уопсастыбанньыктар кытыннылар.

свалка камчатка

Камчатскай уонна Елизовскай оройуоннар дьаһалталарын бэрэстэбиитэллэрэ бу хайысхаҕа ыыппыт үлэлэрин туһунан иһитиннэрдилэр. Ол курдук, Елизовскай оройуоҥҥа 63 тыһ. кубометр бөх тоҕуллубут сыбаалка булуллубут. Мантан 800 кубометр бөҕү утилизациялаатылар, оттон хаалбыт тобохтору суох оҥорууга, муниципалитет ааҕыытынан, 13 мөл. солк. наада. Петропавловскай-Камчаткаҕа бөх тоҕор сирдэри суох оҥорууга сыл ахсын 100 тыһ. киилэ кутталлаах 4 кылаастаах, ону таһынан 3 тыһ. куб. диэри 5 кылаастаах тобохтор утилизацияланаллар. 2023 сыллааҕы куорат бүддьүөтүгэр көҥүлэ суох бөх тоҕор сирдэри уонна массыына көлүөһэтин хаамыратын суох оҥорууга 5,5 мөл. солк. ороскуоттанара былааннанар.

Кэмитиэт мунньаҕар дьүүллэһиллибит экологическай үлэ өссө биир хайысхатынан, нэһилиэнньэттэн массыына көлүөһэтин хаамыратын хомуйууну кииннээһин буолар. Камчатскай кыраай ОДьКХ миниистирин солбуйааччыта Виктория Расулова иһитиннэриитинэн, 2023 сылга туһаныллыбыт массыына көлүөһэтин хаамыратын быраҕар табыгастаах анал сирдэри аныыр кыахтары үөрэтэллэр. Муниципалитеттары кытта хардарыта бииргэ үлэлээһин тэриллэрэ былааннанар. Бу бырайыагы өйүүр туһунан Елизовскай оройуона иһитиннэрдэ.

«Дьокутааттар бөх-сыыс хомуйуутугар уонна утилизациялааһыҥҥа сыһыаннаах үлэлэри Петропавловскай-Камчатскай уокурук дьаһалтатыгар хонтуруолга ыларга уонна чинчийии ыытарга сүбэлээтилэр», - диэн мунньаҕы түмүктээтэ Камчатка кыраайын парламенын Айылҕаны туһаныыга, аграрнай бэлиитикэҕэ уонна экологияҕа сис кэмитиэтин бэрэссэдээтэлэ Оксана Герасимова.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением