Издательский дом Редакция Подписка
Погода в Якутске: . -11 oC

Балаҕан ыйын 22 күнүгэр Ил Дархан Айсен Николаев сулууспаҕа ыҥырар хамыыһыйа мунньаҕын тэрийбитэ. Мунньахха быстах хомууру тэрийии боппуруостарын көрбүттэрэ.

Балаҕан ыйын 22 күнүгэр Ил Дархан Айсен Николаев сулууспаҕа ыҥырар хамыыһыйа мунньаҕын тэрийбитэ. Мунньахха быстах хомууру тэрийии боппуруостарын көрбүттэрэ.

8 5

Саха Сиригэр дойдубут бэрэсидьиэнэ Владимир Путин дьаһалынан, олохтоох бэйэни салайыныы уорганнарын кытары байыаннай комиссариаттарга быстах хомууру тэрийиигэ үлэ күргүөмнээхтик бара турар.

Билиҥҥи туругунан хомуур пууннарыгар бэбиэскэлээхтэри мунньаллар.  Дьокуускай призывной пууннарыгар мэдиссиинэ хамыыһыйалара үлэлииллэр, уопсастыбаннай бэрээдэк уонна баһаартан сэрэхтээх буолуу олохтонно.

Дьокуускай куоракка быстах хомуурга ыҥырыллыбыт уолаттары көрсө,  “Самородок” спорт дыбарыаһыгар бара сырыттым. Дыбарыас иһигэр-таһыгар дьон элбэх. Атаарааччылар харахтарын уутун туттуналлара көстөр...

3 11

Докумуоннарын биэрээри турар үс уолу кытары кэпсэттим.   Тулагыттан Альберт Иванов сарсыарда дьиэтигэр военкомат үлэһиттэрэ кэлэ сылдьыбыттарыгар, миэстэтигэр суох буох буолан биэрбит, онон военкомакка тус бэйэтэ тиийэн, бэбиэскэтин ылбыт:

6 7

-        Ыҥырыгы тутаат да, бу кэллим. Тамбовка, Владикавказка, Дагестаҥҥа сулууспалаабытым, хантараагынан үлэлээбитим. Анал учуотунай идэлээхпин – “радиоэлектронная борьба” диэн. Онон син билэр эйгэм. Дойдубут туһугар бары бииргэ буолуохтаахпыт, түмсүөхтээхпит, уолуйуо суохтаахпыт. Кыратык долгуйабын эрээри, ытык иэспин толоруохтаахпын. Кэргэним, оҕом суох сулумах киһибин.

Оттон Виктор Тааттаттан төрүттээх, Амурскай уобаласка сулууспатын ааспыт:

5 7

-        Куоракка аэропорка үлэлии сырыттахпына, испииһэгинэн үлэһиттэри ыҥырбыттара. Онно хапсаммын, военкомакка тиийбитим. Бэбиэскэбин тутаат, бу кэлэн олоробун. Барарга бэлэммин. Эр киһи Ийэ дойдутун көмүскүүр ытык иэһэ дии саныыбын. Ханнык уобаласка ыыталларынан сылдьыам.

 Бэйэм кэргэннээхпин, үс кыыстаахпын. Оҕолорум 12, 10 уонна 3 саастаахтар. Кэргэним кыратык долгуйар быһыылаах да, биллэрэ сатаабата. “Үчүгэйдик сылдьан кэлээр” диэн алҕаан ыыттылар.

Билигин ол дойдуга референдум буола турар. Донецкай уонна Луганскай норуодунай өрөспүүбүлүкэлэр, Запорожье, Херсон уобаластара Арассыыйа састаабыгар киирэргэ куоластыыллар. Мин санаабар, историянан ити сирдэр дьиҥнээхтик биһиги дойдубут сорҕото буолаллар. ССРС ыһылларыгар сыыһа Украинаҕа баран хаалбыттар. Онон саҥа субъектарбыт буолуохтаах территориябытыгар куттала суох буолууну хааччыйар сулууспаҕа эр киһи буоларым быһыытынан барар эбээһинэһим.

Прокопий Спиридонов, куорат уола, хомуурга хайдах түбэспитин маннык кэпсиир:

4 10

-        Бэҕэһээ киэһэ 23.00 чааска байыаннайдар кэлэн, бэбиэскэ туттарбыттара. Испэр ыҥыраллара буолуо диэн кэтэһэр этим. Бэйэм урбаанньыппын, бииргэ олорор кыыстаахпын. Оҕобут суох.

 Санаам күүстээх. Ытык иэспин маннык тыҥааһыннаах кэмҥэ толоруохтаахпын. 2012 сыллаахха Владивосток Артем куоратыгар сулууспалаабытым. Хантараагынан үлэлээбэтэҕим. Анаабыт сирдэригэр тиийэн, саха омугун аатын түһэн биэрбэт гына чиэстээхтик сылдьыам.

1 18

Уолаттары кытары кэпсэтэн тахсан истэхпинэ, элбэх уол “Заказной” оптуобуска  киирэн олордулар.  Атаарыы түгэнэ долгутуулаах... Ким эрэ куустуһар-сыллаһар, ким эрэ эрэллээх доҕотторун кытары илии тутуһар. Бары: “Этэҥҥэ эргиллээр”, -- дии хаалалларын иһиттим.

Утары аҕытаассыйа, “барбаппын” дии-дии ытааччы суох. Саха уолаттара санаалара кытаанах, сорунуулаахтык туруммуттар. Биһиги эмиэ кинилэри өйүөххэ, араас сымыйа сураҕы итэҕэйбэккэ, төрөөбүт сирдэриттэн күүс буолуохха.

Санатан эттэххэ, балаҕан ыйын 21 күнүгэр Арассыыйа бэрэсидьиэнэ Владимир Путин быстах хомууру саҕалыырын биллэрбитэ. “Саппааска сылдьар байыаннай сулууспаны ааспыттар ыҥырыллыахтара”, -- диэбитэ. Уолаттар анал байыаннай-учуотунай идэлээх уонна бойобуой уопуттаах буолуохтаахтар. Саха Сириттэн сулууспаҕа ыҥырыллааччылар Хабаровскай кыраай байыаннай чаастарыгар ирдэбил быһыытынан эбии байыаннай бэлэмнэниини ааһыахтара.

Түмүккэ саха суруйааччыларыттан соҕотоҕун сэрии саҕаланыаҕыттан бүтүөр диэри сэриилэспит, уулаах окуопаҕа олорон,  хоһооннорун айбыт Макар Хара "Аармыйаҕа барааччыга алгыс ырыа" диэн хоһоонуттан быһа тардыыны ааҕыҥ:

  • Ытык иэһиҥ
  • Ыҥыран бараҕын,
  • Ийэ сирим
  • Эрэлэ буолаҕын.
  • Аймах дьонуҥ
  • Алгыһын ылаҕын,
  • Чиэһин, дьолун
  • Тэһиинин тутаҕын.
  • Сааһыт саха
  • Саллаатын уола эн
  • Аатырбыт аҕаҥ
  • Аартыгар үктэнэн,
  • Буһуоҥ-хатыаҥ
  • Бохуокка сылдьаҥҥын,
  • Мэлдьи бастыаҥ
  • Бэргэнник ытаҥҥын.
    • Уолбут, кытаат,
    • Ох курдук оҥоһун,
    • Тыкта саллаат
    • Тырым уот сулуһуҥ!
  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением