- Сахалин уобалаһын парламеныгар федеральнай сокуоҥҥа уларытыылары киллэриини көҕүлүүр уонна хаһаайына суох ыттар биирдиилээн дьоҥҥо, ону сэргэ дьиэ кыылыгар саба түһүүлэрэ элбээбитинэн, нэһилиэнньэттэн сокуонунан сөптөөх нуорманы ылыналларыгар этиилэр киирдилэр. Маны таһынан, олохтоохтор хаһаайына суох бэйдиэ сылдьар кырыктыйбыт адьырҕа кыыллары, приюттарга хаһаайына, саҥа бас билээччитэ көстүбэтэх ыттары сокуон хараҕынан суох оҥорорго сөптөөх дьаһал ылынарыгар көрдөстүлэр, - диэн парламентарийдар этэллэр.
Субъектарынан ылыныллар сокуон барыла кыылы иитиигэ уонна харайыыга эбии ирдэбиллэри олохтуурга көҥүл биэриитэ нэһилиэнньэ куттала суох буолуутун таһымын үрдэтиигэ, бэтэринээринэй быраабылалары уонна санитарнай-эпидемиологическай балаһыанньаны тутуһууга көмөлөһөрө сабаҕаланар.
Санаттахха, Россия Федерациятын субъектарын судаарыстыбаннай былааһын уорганнарыгар гражданнар олохторун-дьаһахтарын уонна доруобуйаларын буортулааһынын төрүөтүн туоратарга эбии боломуочуйалар бэриллибиттэрэ.
-
0
-
0
-
0
-
0
-
0
-
0
