Национальнай бибилэтиэкэлэр оруолларын учуонайдар дьүүллэстилэр
Издательский дом Редакция Подписка
Погода в Якутске: . -34 oC

 Сэтинньи 12 күнүгэр Ил Түмэн вице-спикерэ Александр Жирков салайааччылаах өрөспүүбүлүкэ дэлэгээссийэтэ Кызыл куоракка Тыва Өрөспүүбүлүкэтин А.С. Пушкин аатынан Национальнай бибилэтиэкэтин актовай саалатыгар Тыва бибилэтиэкэлэрин ситимин үлэһиттэрин кытта көрүстэ.

 Сэтинньи 12 күнүгэр Ил Түмэн вице-спикерэ Александр Жирков салайааччылаах өрөспүүбүлүкэ дэлэгээссийэтэ Кызыл куоракка Тыва Өрөспүүбүлүкэтин А.С. Пушкин аатынан Национальнай бибилэтиэкэтин актовай саалатыгар Тыва бибилэтиэкэлэрин ситимин үлэһиттэрин кытта көрүстэ.

Көрсүһүүгэ Саха Өрөспүүбүлүкэтин Ил Түмэнин бэрэссэдээтэлин бастакы солбуйааччыта Александр Жирков, Тыва Өрөспүүбүлүкэтин Улуу Хуралын доруобуйа харыстабылыгар уонна социальнай сайдыыга кэмитиэтин бэрэссэдээтэлэ Ульяна Монгуш Байыр-ооловна, ХИФУ профессора, филологическай наука доктора Василий Илларионов, Олоҥхо тыйаатырын артыыһа Анастасия Алексеева, Тыва Өрөспүүбүлүкэтин А.С. Пушкин аатынан Национальнай бибилэтиэкэтин дириэктэрэ Ирина Эртине, бибилэтиэкэ дириэктэрин наукаҕа уонна инновацияҕа солбуйааччыта Айланмаа Аракчаа уонна Тыва Өрөспүүбүлүкэтин бибилэтиэкэлэрин ситимин үлэһиттэрэ кыттыннылар.

Национальнай бибилиэтиэкэ дириэктэрэ Ирина Эртине ыалдьыттарга бибилэтиэкэ научнай үлэтин-хамнаһын, пуондатын, сэдэх экземплярдарын, үлэҕэ кэккэ судургутук быһаарыллыбат кыһалҕалар баалларын туһунан кэпсээтэ.

Александр Николаевич Саха Өрөспүүбүлүкэтигэр бибилэтиэкэлэр ситимнэрин өйүүр, сайыннарар туһугар ааспыт сылларга өрөспүүбүлүкэ парламена туох үлэни ыыппытын, ханнык сокуоннары субъектартан биир бастакынан ылыммытын туһунан дириҥ ис хоһооннох иһитиннэрии оҥордо. Мустубут дьон ордук пуонда уонна булгуччулаах экземпляр туһунан сокуоннары биһирээтилэр, хайдах ылыныллыбыттарын ыйыталастылар. Салгыы кини Саха Сиригэр архыыптар уонна түмэллэр, бибилэтиэкэлэр үлэлэригэр исписэлиистэр сэргиэн сөптөөх уопуттарыттан ирэ-хоро кэпсээн мустубут дьон интэриэһин тарта. Арассыыйа уонна тас дойдулар түмэллэригэр, архыыптарыгар баар матырыйааллар хайдах хомуллубуттарын истэн дьиэлээхтэр сэргээтилэр.

Көрсүһүү түмүгэр икки өттүттэн мустубут дьон аан дойду омуктарын эпостара хайаатар даҕаны бибилэтиэкэ ситимигэр хас биирдии нэһилиэнньэлээх пуунҥа баар буолуохтаахтар диэн биир санааҕа кэлэн тарҕастылар.    

  • 0
  • 0
  • 0
  • 0
  • 0
  • 1

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Бэлиэ күн

Туругурдун саха хомуһа!

Ытыктабыллаах Саха сирин олохтоохторо! Саха Өрөспүүбүлүкэтин салалтатын аатыттан уонна…
30.11.22 10:36