Хас да көрүнҥэ ыалдьыттарбыт маастар-кылаастары ыыттылар. Ол курдук, Ньурбатааҕы оҕо спортивнай оскуолатыгар Норуоттар икки ардыларынааҕы кылаастаах маастар, Беларусь Ѳрөспүүбүлүкэтин үтүөлээх маастара, 2001 сыллаахха аан дойду чемпиона, «Киһи килбиэнэ» бэлиэ хаһаайына, Арассыыйаҕа уонна СӨ олимпийскай хамсааһын сайдыытыгар өҥөтүн иһин А.Е. Кулаковскай аатынан судаарыстыбаннай бириэмийэ хаһаайына, көҥүл тустууга Саха Сирин сүүмэрдэммит хамаандатын сүрүннүүр тренерэ Герман Степанович Контоев Ньурбатааҕы оҕо спортивнай оскуолатын тустууга иитиллээччилэригэр маастар-кылаас ыытта.
Мини-футболга Өрөспүүбүлүкэтээҕи мини-футбол анал спортивнай оскуолатын тренерэ Сарыал Дмитриевич Явловскай, волейболга маҥнайгы категориялаах судьуйа, «Кыайыы 50 сыла» спорт дыбарыаһын тренерэ Ефремов Аркадий Федосиевич маастар-кылаастары биэрдилэр.
Тэрээhин чэрчитинэн мини-футболга ыалдьыттар — спорт уонна физическэй култуура министиэристибэтин хамаандата уонна Ньурба улууһун спордун эйгэтин үлэһиттэрин хамаандата доҕордуу түһүлгэҕэ күөн көрүстүлэр.
Бу түгэни СѲ спорка уонна физическэй култуураҕа миниистирэ Леонид Николаевич Спиридонов, түбүктээх үлэттэн сынньана таарыйа, сэргээн көрдө. Ньурба хамаандатын састаабыгар биир дойдулаахпыт, СӨ Ил Дарханын сүбэһитэ, биллиилээх боксер, уопсастыбаннай, политическэй диэйэтэл Георгий Русланович Балакшин оонньоото.
Бу доҕордуу көрсүһүү таһымын, үөрүүтүн өссө үрдэттэ.
Ити курдук саха норуотун аан дойдуга ааттаппыт спортсменнарбыт биhиэхэ күүтүүлээх мааны ыалдьыт буоллулар.
- 0
- 0
- 0
- 0
- 0
- 0