Издательский дом Редакция Подписка
Погода в Якутске: . -12 oC

Бэҕэһээ, кулун тутар 19 күнүгэр, Хатастааҕы муусука оскуолатыгар айбыт-туппут, өр сылларга үлэлээбит, Хатастааҕы духуобунай оркестр олохтооччута, талаан-дьоҕур бэрдэ Дмитрий Сивцев сырдык кэриэһигэр өрөспүүбүлүкэтээҕи таһымнаах  дуобакка биирдиилээн уонна хамаанданан алын кылаастар үөрэнээччилэригэр күрэх буолан ааста.

Бэҕэһээ, кулун тутар 19 күнүгэр, Хатастааҕы муусука оскуолатыгар айбыт-туппут, өр сылларга үлэлээбит, Хатастааҕы духуобунай оркестр олохтооччута, талаан-дьоҕур бэрдэ Дмитрий Сивцев сырдык кэриэһигэр өрөспүүбүлүкэтээҕи таһымнаах  дуобакка биирдиилээн уонна хамаанданан алын кылаастар үөрэнээччилэригэр күрэх буолан ааста.

Күрэххэ өрөөспүүбүлүкэ 10 улууһуттан 156 дуобаччыт күөн көрүстэ. Үөһээ Бүлүүттэн, Бүлүүттэн, Ньурбаттан, Намтан, Хаҥаластан, Мэҥэ-Хаҥаластан, Чурапчыттан, Горнайтан, Амматтан, Өлөөнтөн, Алдантан уонна Дьокуускайтан өркөн өйү сытыылыыр, санааны сааһылыыр, тулуурдаах-дьулуурдаах буоларга иитэр-үөрэтэр дуобат хонуутугар хоһууттар мустаннар күөн көрүстүлэр.

667733ea 6b10 4f04 b4b3 6454a488036d

Хамаанданан киирсиигэ 26 №-дээх Дьокуускайдааҕы оскуола хамаандата бастаата, иккис миэстэни Хатас оскуолатын сүүмэрдэммит хамаандата, үсүһү – Төхтүр  оскуолат дуобаччыттара ыллылар. Пандемия кэннэ күрэх алтыс төгүлүн буолла. Үгэскэ кубулуйбут күрэх иккис тыынын ылла.  Күрэх кэмигэр оҕолорго Хатастааҕы  «Ситим» оҕо айымньытын дьиэтин иитээччилэрэ маастар-кылаас биэрдилэр.

6c15d6a5 c1eb 4ef1 ad3e 04439005198b

Ол курдук, оҕо аймах күрэхтэстэ уонна саҥа сатабылга маҥнайгы хардыылары оҥордо. Күрэх тэрийээччиллэрэ Хатастааҕы орто оскуола дириэктэригэр Николай Слепцовка, оскуола кэлэктиибигэр, остолобуой үлэһиттэригэр, «Ситим» оҕо айымньытын дьиэ дириэктэригэр Саргылана Стручковаҕа уонна үлэһиттэригэр, «Тускул» култуура киинигэр, Хатас нэһилиэгин дьаһалтатыгар,  Дмитрий Сивцев бииргэ үөрэммиттэригэр, Хатастааҕы оҕо ускуустубатын оскуола биир идэлээхтэригэр дириҥ махталларын тиэрдэллэр.

7583968a 81ec 4baa 8636 92a14f3d7204

Маны таһынан, өр сылларга үлэлиир Руслан Жирков салайааччылаах саахымат, дуобат кулуубугар  Дьокуускай  уонна Таатта улууһун  күүстээх  саахымаччыттарыгар  «Садуоба» күрэх-оонньуу ыытылынна. Тэрээһиҥҥэ  Хатас  нэһилиэгин  күүстээх  саахымаччыта, дуобаччыта, И.И. Захаров  үөрэнээччитэ Петр Баишев эрэллээхтик  бастаата. Эҕэрдэлиибит! Итини сэргэ ааспыт өрөбүллэргэ Дьокуускай уонна куорат таһынааҕы нэһилиэктэр икки ардыларыгар мини-футболга  күрэх буолан ааста. Хатас оскуолатын оҕолоро күрэххэ үһүс бочуоттаах миэстэни ыллылар.

Кулун тутар 18-19 күннэригэр Уус-Алдан улууһун Тулуна нэһилиэгэр  СӨ Хайыһарга Федерациятын 4 түһүмэҕэ буолан ааста. Икки хонук устата 170 спортсмен илин-кэлин түһүстүлэр, тибиилээх хаардаах тыаллаах күннэр тураннар, күрэххэ эбии ыарахаттары оҥордо. Хатастан 20-чэ хайыһардьыт улаханныын-кыралыын кытыыны ыллылар. Бу сырыыга эмиэ түмүгэ ситиһиилээх буолла. Кыргыттар ортолоругар Олеся Герасимова бастакы миэстэни ылла.  Ону тэҥэ хайаһыра «спринт» көрүҥэр кыргыттар ортолоругар бэһис миэстэни ылан, кыахтааҕын, кэскиллээҕин көрдөрдө. Айыы Куо Михайлова 2005-2006 сыллааҕы төрүөх кыргыттар ортолоругар иккитэ батакы миэстэни ылла. Юниордарга Витя Иванов иккитэ  бастакы миэстэни ылла.

Ити курдук, үс Хатас орто оскуолатын үөрэнээччитэ чөмпүйүөннээтилэр, алта үөрэнээччи 2-3 миэстэни ыллылар.  Бэтэрээннэргэ  тириэньэр Константин Константинович иккитэ3 миэстэҕэ тигистэ. Инньэ гынан, уопсайа хатастар 17 мэтээли туттулар.

Дьэ, санаан көрүҥ, арай Хатаска успуорт саалата тутуллара буоллар, успуорка көрдөрүү хаачыстыбата өссө үрдүө, чөл олоххо тардыһааччы ахсаана өссө эбиллиэ этэ.

  • 5
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23