Кинигэҕэ Манчаары оонньууларыгар хара маҥнайгыттан быһаччы кыттыыны ылбыт Горнай улууhун дьонун-сэргэтин мөссүөннэрэ, ыытыллыбыт үлэ үйэтитилиннэ. Ону таһынан, спорт дьоруойдара, тыҥааһыннаах киирсиилэр хаартыскалара киирбиттэр.
Кинигэни Ариан Александров, Екатерина Александрова, Вячеслав Васильев, Александра Никифорова, Иван Ефремов таҥан бэчээккэ бэлэмнээтилэр. Эрээдэктэр эппиэтинэстээх үлэтин Сардана Стручкова оҥордо.
Тэрээһиҥҥэ улуус баһылыга Никита Андреев, улуус Сэбиэтин бэрэссэдээтэлэ Алквиад Тарасов, нэһилиэк баһылыктара, Манчаары оонньууларын посоллара, киэн туттар спортсменнарбыт Осип Михайлов, Дьулустаан Ноговицын, спорт бэтэрээннэрэ уонна фотографтар кыттыыны ыллылар.
Манчаары оонньууларыгар анаан тэриллибит хамыыһыйа аатыттан Варвара Сметанина ааспыт үлэни ахтан туран, үлэлэспит тэрилтэ салайааччыларыгар, улуус олохтоохторугар махталын биллэрдэ.
Саҥа кинигэ үйэлэргэ умнуллубат улууспут баай историятын биир бэлиэ спортивнай түгэнин сырдатта.
- 2
- 0
- 0
- 0
- 0
- 0