Саха сирэ билигин коронавирустан көмүскэнэр хааччахтааһын иккис түһүмэҕэр киирэн олорор. Санатан эттэххэ, Роспотребнадзор ирдэбилинэн успуордунан дьарыктанарга аналлаах тэрилтэлэр үһүс түһүмэх киирдэҕинэ эрэ аһыллыахтаахтар. Оттон ити түһүмэҕи дьаҥ тарҕаныытын кэписийиэнэ 0,5 аллараа түстэҕинэ эрэ биллэриэхтээхтэр. Онон тэрийээччилэр күрэхтэһии болдьоҕун көһөрөн биэрдилэр. Быһа сабаҕалааһынынан, атырдьах ыйын 22-23 күннэригэр буолуон сөп диэн этэллэр.
Биллэрин курдук, “Чөмпүйүөн Кубога” көрөөччүтэ суох буолара былааннанар. Миэстэтигэр кыттааччылар, тириэньэрдэр, тэрийээччилэр уонна анал көҥүллээх суруналыыстар эрэ киириэхтэрэ. Күүтүүлээх күрэхтэһии буолар сирэ Н.Н. Тарскай аатынан “Туймаада” стадионун спортивнай арената. Бу күрэхтэһии “Дыгын оонньууларын” тиһэх түһүмэҕэр ааһарга сүүмэрдиир түһүмэх быһыытынан буолара биллэр.
-
0
-
0
-
0
-
0
-
0
-
0
