Матчевай тустуу күрэҕэ сарсын, кулун тутар 15 күнүгэр "Өрөгөй" успуорт киинигэр ыытыллыаҕа. Хапсыһыыларга көҥүл тустууга норуоттар икки ардыларынааҕы үөрэтэр-дьарыктыыр хомуурга дьарыктана сылдьар тустууктар кыттыахтара. Ол курдук, соторутааҕыта Дьокуускайга Роман Дмитриев кэриэһигэр ыытыллыбыт турнирга кыттыбыт тустууктар - Саха Сириттэн, Бүрээтийэттэн, Монгуолуйаттан, Кытайтан тоҕустуу тустуук 9 ыйааһыҥҥа киирсиэхтэрэ. Кыайыылаахтары хас биирдии хапсыһыыга ылбыт баалларынан быһаарыахтара..
Онон, бу күннэргэ бөҕөстөр биир көбүөргэ тусталлар, тактическай дьарыктары ааһаллар, уопут атастаһаллар, маастарыстыбаларын үрдэтэллэр. Бу дьарык Саха Сирин сүүмэрдэммит хамаандата Азия дойдуларын спортсменнарын кытта матчевай көрсүһүүтүн чэрчитинэн тэриллэр. Итиэннэ Монреаллааҕы олимпиада үрүҥ көмүс призера Александр Иванов 75 сааһыгар ананар.
Турниры «Кыах» социальнай ситимнэрэ быһа эпииргэ көрдөрүөхтэрэ – ВКонтакте уонна Телеграм!
Кулун тутар 15 күнүгэр, баскыһыанньаҕа – 13.00-17.00 ч.
Маны таһынан күөх экраҥҥа күрэхтэһиини НВК «Саха» уонна «Мамонт» ханааллар көрдөрүөхтэрэ.
ххх
Кулун тутар 13 күнүгэр Дьокуускайга улуу тустуук, ССРС успуорка маастара, Саха АССР үтүөлээх тириэньэрэ,1976 сылга Монреаллааҕы олимпиада үрүҥ көмүс призера, Аан дойду Кубогын уонна Европа чөмпүйэнээтин призера, ССРС элбэх төгүллээх чөмпүйүөнэ Александр Иванову чиэстиир үөрүүлээх мунньахха Ил Түмэн бэрэссэдээтэлэ Алексей Еремеев биһиги улуу спортсмены, тустуу бэрэпиэссэрин чиэстиибит диэн эҕэрдэ тылын саҕалаата. Быйыл өрөспүүбүлүкэ саха үс улуу тустууга, үтүөлээх тириэньэр Дмитрий Коркин иитиллээчилэрэ - Павел Пинигин, Роман Дмитриев уонна Александр Иванов стиспит өрөгөйдөөх кыайыыларын 50 сылын Монреаллааҕы олимпиадаҕа ситиһиитин бэлиэтиир.
Судаарыстыбаннай Мунньах бэрэссэдээтэлэ Александр Николаевич Иванов улуу спортсмен, тириэньэр уонна уопсастыбаннай диэйэтэл быһыытынан өрөспүүбүлүкэ сайдыытыгар сүдү кылаатын киллэрбит, киллэрэр киһинэн буоларын билинэн туран, Ил Түмэн Махтал суругун туттарда.
Хаартыска: ЯСИА
-
2
-
0
-
0
-
0
-
0
-
0
