Издательский дом Редакция Подписка
Погода в Якутске: . -13 oC

Дьокуускай куорат мэриятын спорт управлениетыгар сытыы ыйытыктарга хоруй биэрдилэр. “Дьокуускай куората” куораттааҕы уокурук физкультураҕа уонна спортка управлениетын салайааччыта Константин Бурцев киин куоракка дьиэҕэ олоруу эрэсиимин кэмигэр спорт балаһыанньатын туһунан sportyakutia.ru кэпсээтэ.

Дьокуускай куорат мэриятын спорт управлениетыгар сытыы ыйытыктарга хоруй биэрдилэр. “Дьокуускай куората” куораттааҕы уокурук физкультураҕа уонна спортка управлениетын салайааччыта Константин Бурцев киин куоракка дьиэҕэ олоруу эрэсиимин кэмигэр спорт балаһыанньатын туһунан sportyakutia.ru кэпсээтэ.

Дьокуускай куоракка уонна чугас эргин муниципальнай тэриллиилэргэ, региоҥҥа спорт олоҕо тохтоон турар. Кулун тутар 21 күнүттэн дойду үрдүнэн спорт тэрээһиннэрин ыытыы бобуллубута. Дьокуускай куоракка аны күһүҥҥэ диэри уочараттаах чемпионаттар, ону таһынан күрэхтэһиилэр болдьохторо көһөрүллүбүттэрэ, спортсменнарга бэлэмнэнии хомуурдара, атын регионнарга барыы-кэлии тохтотуллубута.  Бэлиэ ордук тэрээһининэн саныыр буоллахха, быйыл “Арассыыйа хайыһардьыттара” Бүтүн Арассыыйатааҕы акция чэрчитинэн “Туймаада хайыһардьыттара” күрэх ыытыллабата.

«Хомойуох иһин, Дьокуускайга быйыл сыл ахсын ыам ыйын 9 күнүгэр “Якутия” хаһыат бирииһигэр Кыайыы күнүгэр анаммыт эстафета ыытыллыбат буолла. Эстафета быйыл 77 төгүлүн ыытыллыахтааҕын күүтүллэрэ. Бу эстафета 1944 сылтан тэриллибитэ уонна бу сыллар тухары ханнык да балаһыанньанан тохтотуллубатаҕа. Ардаҕы ардах диэбэккэ биһиги спортсменнарбыт түмсэн киин куорат уулуссатыгар сүүрэ тахсаллара. Манна сиэттэрэн, быһаарыы биир көрүҥүнэн эстафетаны атын болдьоххо көһөрөр туһунан толкуйдуубут. Холобур, балаҕан ыйын бастакы күннэригэр.

121main

Аны туран, бу сылга Саха сирин олохтоохторугар ордук күүтүллэр «Дыгын оонньуулара» күрэх ыытыллара биллибэт кутталлаах. Күүстээх быһыйдар күрэхтэһиилэрин көрө-истэ сыл ахсын Туймаадаҕа ыһыаҕар Үс Хатыҥ түһүлгэтигэр тыһыынчанан тахса дьонү түмэрэ. Эпидемиологическай балаһыанньа уустугунан сайын бу оонньуулар ыытыллара чуолкай биллибэт. Бары билэргит курдук, «Дыгын оонньуулара»  күрэххэ ким баҕалаах барыта кыттыбат. Күрэхтэһээчилэр турнирга киирсэллэригэр кытаанах сүүмэрдээһини ааһыахтаахтар этэ. Сүүмэрдиир күрэхтэр хас да түһүмэҕинэн ыытыллыахтааҕа. Билиҥҥи туругунан үс кыттааччы аата чуолкай биллэр: Егор Филиппов былырыыҥҥы күрэх кыайыылааҕа, Владимир Федоров уонна Алексей Уваровскай өрөспүүбүлүкэ хас да төгүллээх хапсаҕайга чөмпүйүөннэрэ. Финалга киирэр путевкалар “Чемпионат Кубога” турнирыгар кулун тутар ыйга уонна икки сүүмэрдиир турнирдарынан муус устарга уонна ыам ыйыгар оонньонуохтаах этилэр. Билиҥҥи туругунан көрөөччүлэрэ суох биир уопсай сүүмэрдиир турнир ыам ыйын бүтэһик күннэригэр ыытылларын туһунан сөптөөх быһаарыы ылыныыта сытыытык турар. Ол эрэн, эпидемиологическай балаһыанньа уустугурар түмүгэр, быһа холоон, күрэхтэр ыытыллыбаттар чуолкай...», – диэн Константин Бурцев быһаарда. Спорстменнар билигин дьиэлэригэр дьарыктаналлар. Спорт эбийиэктэрэ харантыынынан сибэстээн үлэлээбэттэр.    Социальнай ситим көмөтүнэн уонна атын интернет көрүҥнэринэн бэлэмнэнии тэрээһиннэрэ барыта онлайн ыытыллаллар. Тренердэр дьарык үлэтин интернетынан хонтуруоллууллар уонна спорт оскуолаларын директордарыгар отчуоттарын туттараллар.

0c68e807 fd77 4cff 8421 eb1f6bc0e18f

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23