Күрэхтэһиилэргэ 33 успуорт көрүҥэр барыта 339 кэмпилиэк мэтээл оонньонуоҕа. Японияҕа оонньуулар от ыйын 21 күнүттэн саҕаланан, атырдьах ыйын 8 күнүгэр түмүктэниэҕэ.
Саха сирин олохтоохторугар олимпиада хаамыытын кэтииргэ ураты бэлиэ күннэринэн буолар, ол курдук, саха чулуу уола Айаал Лазарев тустууга Кыргызстан өрөспүүбүлүкэ аатыттан кыттыыны ылыахтаах. Санаттахха, Индияттан Сумит Малик антидопинг быраабылатын кэһэн, Олимпиадаҕа кыттар чиэстэн уһуллубута. Түмүгэр, Айаал Лазарев олимпийскай лицензия ылары ситиспитэ уонна Токиотааҕы сайыҥҥы Олимпиадаҕа кыттарга путевка ылбыта. Спорстмен 2016 сыллаахха Риотааҕы Олимпийскай оонньууларга кыттан 15 миэстэҕэ тигиспитэ.
Билигин Японияҕа эпидемиологическай балаһыанньа туруга уустук. Атырдьах ыйын 22 күнүгэр диэри ыксаллаах быһыы-майгы биллэриллибитэ. Мантан сибээстээн, спорстменнар кураанах трибуна иннигэр күрэхтэһиэхтэрэ. Күн бүгүҥҥэ диэри дойду 53‰ нэһилиэнньэтэ онньуулары ыытары утарсар.
-
0
-
0
-
0
-
0
-
0
-
0
