125 кг диэри ыйааһыннаахтарга биир дойдулаахпыт, Кыргызстаан хамаандатын бөҕөһө Айаал Лазарев бастакы күрэстэһээччитин аата, ким буолара билиннэ – АХШ бэрэстэбиитэлэ Гейбл Стивенсон.
Гейбл Стивенсон -- күүстээх тустуук. Аан дойдуга юниордарга уонна Панамерика оонньууларын чөмпүйүөнэ. Бу эр бэрдин Айаал Лазарев кыайар түгэнигэр, салгыы кини ааспыкка Бразилияҕа буолбут Олимпиадаҕа кыайбыт, Европа аҕыс төгүллээх, аан дойду икки төгүллээх чөмпүйүөнэ Таха Акгюллыын хапсыһыан сөп. Тахалыын ити иннинэ Амар Дейси (Канада) киирсэр.
Хапсыһыы – халбас харата. Ити сабаҕалааһын эрэ. Онон эрдэттэн тугу да эппэппит, сарсын атырдьах ыйын 5 күнүгэр 11 чаастан Олимпиаданы кэтиибит-маныыбыт. Полуфинал киэһэ 18.15 чаастан, финал атырдьах ыйын 6 күнүгэр киэһэ 19.30 чаастан буолар. Бириэмэ барыта Саха сиринээҕи кэминэн ыйылынна.
- 0
- 0
- 0
- 0
- 0
- 0