Улахан Ааҥҥа «РИК Автодор» өрөспүүбүлүкэ суолталаах «Умнас» суолу оҥорон бүтэрэн эрэр эбит. Кыраапыгыттан хаалбатах.
«Ыраас уу» региональнай, итиэннэ «Экология» национальнай бырайыактар чэрчилэринэн Покровскайга уу ыраастыыр ыстаансыйа тутулла турар. Улуус баһылыгын солбуйааччы Иринеев этэринэн, эбийиэги 2022 сылга үлэҕэ киллэрэр былааннаахтар.
Покровскайга 1943 сылтан кыыл пиэрмэтэ үлэлиир. Хаһаайыстыба дириэктэрэ Максим Васильев материальнай-техническэй хааччыллыылара мөлтөҕүн эттэ. Аны туран, пиэрмэлэрин сирин билиҥҥэ диэри арендалаһан олороллор эбит. Муниципалитекка биэрэллэрин туруоруста. Аренда төлөбүрэ пиэрмэ бүддьүөтүгэр улаханнык охсорун бэлиэтээтэ. Тарасенко оройуон салалтатын бу боппуруостарга этиилэрин бэлэмнииригэр соруйда.
-
0
-
0
-
0
-
0
-
0
-
0
