Михаил Кириллин Мэҥэ Хаҥаласка былырыын Сымах, Лоомтука нэһилиэктэригэр гаас турбата тардыллыбытын, быйыл Хорообукка гааһы киллэрэргэ судаарыстыбаннай эспэртиисэни ааспыттарын туһунан хардарда. Инникитин Чурапчы улууһугар Уһун Күөлгэ гаас киириэхтээх, Хаҥалас улууһугар Хачыкаакка убатыллыбыт айылҕа гааһын туттуохтаахтар. Бу эбийиэктэр күн бүгүн өрөспүүбүлүкэ бүддьүөтүгэр киирэ иликтэр эрээри, уларытыылары киллэрэргэ туруорсуохпут диэтэ Михаил Кириллин.
Саха Сиригэр социальнай гаастааһын бырагырааматынан 2021 с. бэттэх 10 000 дьиэни холбоотулар. Мэҥэ Хаҥаласка гаас турбата Сымах уонна Лоомтука нэһилиэктэригэр киирдэ. Ону таһынан, Ленскэй улууһун Бэчэнчэ, Мурья, Батамай нэһилиэгэр, Нерюнгри оройуонун Иенгратыгар гаас ситимэ тардылынна. 2030 с. диэри 29 нэһилиэккэ гаас киириэхтээх.
Хаартыска Мария Васильева, СИА.
-
0
-
0
-
0
-
0
-
0
-
0
