Бастакыттан саҕыллан
Норуоттан талыллар буоланнар, дьокутааттар нэһилиэнньэни былааһы кытары ситимнииллэр, үбү-харчыны быһаараллар, нэһилиэк, улуус, өрөспүүбүлүкэ сайдыытын, кэскилин түстүүллэр.
Санаттахха, Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын I сийиэһэ 2017 сыл кулун тутар 29-31 күннэригэр Дьокуускайга ыытыллыбыта. Бу улахан түһүлгэ олохтоох салайыныы тиһигэр бэрэстэбиитэллээх уорганнар дьокутааттарын оруолларын, ыстаатыстарын үрдэтиигэ туһуламмыта уонна Саха Сирин устуоруйатыгар ураты суолталаммыт Саха уобаластааҕы инородческай сийиэс аһыллыбыта 105 сылыгар, Сэбиэттэр бастакы Бүттүүн Саха Сиринээҕи тэрийэр сийиэһэ 95 сылыгар, Дьокуускайдааҕы Дуума 195 сылыгар анаммыта.
Сийиэс үлэтигэр Саха Өрөспүүбүлүкэтин нэһилиэктэрин уонна оройуоннарын 511 дьокутааттара, ону таһынан Федерация Сэбиэтин сенатордара, Госдуума дьокутааттара, олохтоох салайыныы сайдыытын боппуруостарыгар эспиэрдэр кыттыбыттара.
Хаартыскалар: Дьокуускай куорат Дууматын пресс-сулууспата
-
2
-
0
-
0
-
0
-
0
-
0
