Ил Түмэн бэрэссэдээтэлэ Алексей Еремеев бэлиэтээбитинэн, сийиэс сүрүн тиэмэтэ – “Саха Өрөспүүбүлүкэтигэр олохтоох салайыныы туһунан” өрөспүүбүлүкэтээҕи саҥа сокуон бырайыагын дьүүллэһии. Бу сокуон бырайыагын парламент маҥнайгы ааҕыытыгар бигэргэппиттэрэ.
Алексей Еремеев: “Саха Сиригэр Олохтоох салайыныы икки түһүмэҕинэн хаалла. Ити эрэгийиэн уратыларын уонна тутуһан кэлбит үгэстэрин учуоттаан үлэни ыытарга төһүү күүс буолуоҕа”, – диэн быһаарда.
Ону таһынан муниципальнай тэриллиилэр баһылыктарын талыыга киирээри турар саҥа ирдэбиллэри дьүүллэстилэр.
Санатан эттэххэ, муниципальнай тэриллиилэр бэрэстэбиитэллээх уорганнарын дьокутааттарын 1 сийиэстэрэ 2017 сыл кулун тутарыгар ыытыллыбыта. Сийиэс кыттааччылара олохтоох салайыныы тиһигэр дьокутааттар оруолларын уонна ыстаатыстарын үрдэтиигэ анал быһаарыылары ылбыттара. 2-с сийиэс 2023 сыллаахха тэриллибитэ. Бу сийиэс сүрүн тиэмэтинэн олохтоох салайыныы үнүстүүтүн сайдыытын билиҥҥи туругун ырыппыттара, инники соругун торумнаабыттара.
Ил Түмэн пресс-сулууспатын хаартыскалара.
-
0
-
0
-
0
-
0
-
0
-
0
