Бу күннэргэ, холобура Эдьигээн эбэҥки национальнай оройуонун тыа сирин түөлбэлэрэ Устааптарын бырайыгын оҥорон дьоҥҥо-сэргэҕэ толору тиэкиһинэн бэчээттээн Новости Жиганска саайтыгар билиһиннэриигэ туруораллар.
Холобура, «Бэстээх нэһилиэгэ» тыа сирин түөлбэтин баһылыга П.О. Афанасьев 2026 сыл олунньу 18 күнүнээҕи 20-10/05№-дээх дьаһалынан Бэстээх нэһилиэгин Устаабын бырайыагын оҥорон улуустааҕы «Новости Жиганска» хаһыат саайтыгар иһитиннэрии быһыытынан таһаарда. Дьаһалга этиллибитинэн, Устаап бырайыагын дьүүллэһэр Публичнай истиини бу дьыл кулун тутар 18 күнүгэр ыытар уонна Устаап бырайыагар киирбит этиилэри, көннөрүүлэри кулун тутар 17 күнүгэр диэри суругунан тутууну хааччыйар туһунан ыйыллыбыт
Бу курдук хабааннаах 2026 сыл олунньу 20 күнүнээҕи 28№-дээх дьаһалынан Эдьигээн эбэҥки национальнай оройуонун «Кыстатыам» Эбэҥки тыа сирин түөлбэтин баһылыга А.К. Ильинов Кыстатыам нэһилиэгин Устаабын бырайыагын оҥорон улуустааҕы «Новости Жиганска» хаһыат саайтыгар иһитиннэрии быһыытынан туруорда. Дьаһалга этиллибитинэн, Устаап бырайыагын дьүүллэһэр Публичнай истиини бу дьыл кулун тутар 17 күнүгэр ыытар уонна Устаап бырайыагар киирбит этиилэри, көннөрүүлэри кулун тутар 16 күнүгэр диэри суругунан тутууну хааччыйар туһунан ыйыллыбыт.
Хаартыскалар "Новости Жиганска" саайтыттан
-
0
-
0
-
0
-
0
-
0
-
0
