Улуус салайааччыта Федор Борисов акция балайда көхтөөхтүк ыытылларын, дьон манна кыттыһан муҥура суох үтүө санаа уонна түмсүү холобурун көрдөрөрүн бэлиэтээтэ. “Мин санаабар, үгүс биир дойдулаахтарбыт акцияҕа кыттыахтара. Бүгүҥҥү күҥҥэ 11 уопсай үөрэхтээһин оскуолата компьютер техникатын уонна үбүнэн көмө көрүҥүнэн сыаналаммат улахан көмөнү ыллылар. Ол түмүгэр олох уустук быһыытыгар-майгытыгар баар оҕолор үөрэхтэрин быспат кыахтаахтар”, -- диэн Федор Михайлович санаатын үллэһиннэ.
Хаҥалас улууһун оскуолаларыгар улахан көмөнү Ил Түмэн дьокутаата, “Якутцемент” АУо генеральнай директора Алиш Забид Оглы Мамедов оҥордо. Кини Хаҥалас улууһун үөрэнээччилэригэр 23 планшеты туттарда.
Бу акцияҕа компьютер техникатын үллэстэргэ бэлэм ким баҕарар кыттыан сөп. Онуоха сайаапканы https://помогиучитьсядома.рф/ киллэриэххэ сөп. Техниканы тиэрдиигэ куттал суох буолуутун бары дьаһаллара тутуһуллаллар (дистанцияны тутуһуу, мааска уонна бэрчээкки).
«Хаҥалас улууһа» МО пресс-киинэ
-
0
-
0
-
0
-
0
-
0
-
0
