Күнүс 12 ч. – 16 ч. диэри күн оройо, саамай сытыытык көрөр кэмэ. Онон күнүс күлүгэ суох аһаҕас сиргэ күн сыралҕаныгар сылдьар хааннарын баттааһына үрдүк, сүрэх-тымыр ыарыылаах, аҕам саастаах дьоҥҥо сэрэхтээх.
Күҥҥэ таҕыстахха, элбэхтик көлөһүнүҥ тоҕуннаҕына, эппитигэр баар уубут аҕыйаан, хаан хойдон барар. Хойуу хааны хачайдыырга сүрэх ноҕоруускаланан, дабылыанньаҥ тахсар.
Хааннарын баттааһына үрдүк дьон сайын итиигэ күнүс күҥҥэ тахсан таһырдьа өр сылдьартан туттунуохтаахтар. Эккит-сииҥҥит итиини кыайан тулуйбат сүрүн сибикитэ: этиҥ тымныы сыстаҥнас буолар, олорон баран турдаххына, мэйииҥ эргийэр, хааман иһэн дьоҥҥо, ааҥҥа кэтиллиэххин сөп. Ону таһынан, сүрэҕиҥ күүскэ тэбэр, көлөһүнүҥ сирэйгэр саба түһэр, төбөҥ ыалдьар, сүрэҕиҥ өлөхсүйэр, илииҥ-атаҕыҥ дарбайар.
Куйааска элбэх ыраас ууну иһиэхтээхпитин бары билэбит эрээри, итии күөх чэйи иһэр туһалааҕын бэрт аҕыйах киһи билэр. Оргуйбутунан чэй көлөһүҥҥүн таһааран, этиҥ-сииниҥ сойоругар көмөлөһөр.
Ааптар хаартыската.
-
0
-
0
-
0
-
0
-
0
-
0
