Киһи ахсаана төһө баҕарар, ол эрээри, чорбоҕо суох буолуохтаах. Кириэстэрин устан баран, хараҥаҕа ойбон таһыгар халыҥ суорҕанынан бүрүнэн чөмөхтөһөн олороллор. Төһө эрэ бириэмэ ааспытын кэнниттэн атах тыаһа иһиллэр уонна ким эрэ барыларын төбөҕө охсуталыыр. Онуоха ыарыыгыттан уонна кутталгыттан хаһыытыа суохтааххын, оччоҕуна инникини кэпсээн киирэн барар үһү.
Сэргэни миинии
Бүргэһи атаҕар кэтэн баран, киһи түүн дьиэттэн кэннинэн хааман тахсар уонна сэргэҕэ кэлэн көхсүнэн сыстан, илиитинэн кууһан туран кэнэҕэс кинини туох күүтэрин туһунан: «Тойон моймор сэргэ! Кэриэс тылгын кэпсээ, аман өскүн амалый!» -- диэн көрдөһөр уонна атаҕынан тирэнэн сэргэни миинэр. Оччоҕо сэргэ дьигиһийэн, хамсаан киирэн барар. Киһи илиититтэн төлө мөҕө сылдьар сордоҥу туппут курдук буолар. Кини ити кэмҥэ илиитин ыытыа суохтаах, тирэнэн туруохтаах. Оччоҕуна сэргэ кэпсээнин саҕалыыр. Кыайан тутуһан турбатах киһи тугу да истибэт, ол оннугар ыалдьыан эбэтэр өлүөн сөп. Онон сэргэни миинии сэрэхтээх.
Сылгылар кэпсэтиилэрэ
Киһи эрдэттэн окко киирэн саһар. Түүн ол сир аттыгар икки аты аһатарга баайаллар. Кинилэр биир ийэттэн төрөөбүт атыырдар, эбэтэр биирэ хаһаайын киэнэ, иккиһэ айан сылгыта буолуохтаахтар. Сылгылар бастаан кинилэр кэпсэтиилэрин истиэн сөптөөх киһини кырыыллар. Онтон киһилии кэпсэтэн бараллар, ол быыһыгар хаһаайыннарын, кинилэр чугастааҕыларын дьылҕатын билгэлииллэр. Саспыт киһи баарын биллэрдэҕинэ, сылгы кырыыһыттан өлөр кутталланар.
Хаартыска СИА.
-
0
-
0
-
0
-
0
-
0
-
0
