.jpg)
Омуннаах орбой уолаттар ойуоккалаһан ыллылар, сүүрээччи- көтөөччү көөрөттүбүт чигдигэ батылынна, көмүрүө хаарга сөтүөлээтэ, сиккиэр тыал сипсийэрин истэ сатаан аар тайҕа харабыла, харысхала, тэҥкэ тиит оргууй оргууйдук иҥиэттэн ылар, сыһыыга, хонууга хатыҥ мастар ханыылаҺа- ханыылаһа хаамсар кэмнэрин санаан сибигинэстилэр. Үрэҕи кыйа сиэттиһэн турар иирэ талахтар сыбыдахтаммыт лабаалара бэрт сотору көп түүнэн бүрүллэлэрин санаан сэргэхсийдилэр, тула барыта туохтанын туоһуласпакка, тоҕотун токоолоспокко, хантан этэй диэн хааххайдаспакка, кимтэн этэй диэн кирдиэлэспэккэ тутуспутунан турар- олорор турукка киирдэ. Эргиччи барыта элэккэй-эйэҕэс эйгэҕэ киирдэ, сэргэхсийбит сэбэрэ кэрэтийэ кэрэхсэттэ. Айгыстыбакка-аарыгырбакка, аатырбакка сураҕырбакка, ыараабакка- чэпчээбэккэ судургутук, сулбуктук кэлиэххэ-барыахха, туруохха- олоруохха, оҥоруохха, айыахха-тутуохха диир сааскы сайаҕас кэм саҥа күнэ.
Хаартыска СИА.
-
0
-
0
-
0
-
0
-
0
-
0
