Куонкуруһу тэрийбит "Чолбон" сурунаал бас эрэдээктэрэ Гаврил Андросов кэпсээбитинэн, күрэскэ барыта 26 үлэ, 22 ааптар псевдонимынан кыттыбыт. География да үчүгэй -- Өлүөхүмэ, Сунтаар, Бүлүү, Кэбээйи, Таатта, Чурапчы уо.д.а.
Муҥутуур кыайыылааҕынан филологичечкай наука кандидата САРГЫЛААНА НОЕВА буолла. Кини Таатта улууһун Чөркөөх дьаһалтата (баһл. А.В.Семенов) туруорбут убаһа бирииһигэр тигистэ, итиэннэ Протодьяконовтар ааттарыттан анал мэтээли тутта.
I миэстэ -- ОЛЬГА МАКАРОВА (Таатта), бирииһэ -- DNS маҕаһыын 30 тыһ. солк. суумалаах сэртипикээтэ.
II миэстэ -- ЕФРОСИНИЯ ИВАНОВА (Бүлүү), бирииһэ -- DNS маҕаһыын 15 тыһ. солк. суумалаах сэртипикээтэ.
III миэстэ -- ЯКОВ АЛЕКСЕЕВ (ХИФУ магистрана), бирииһэ -- DNS маҕаһыын 10 тыһ. солк. суумалаах сэртипикээтэ.
"Кэскиллээх кириитик" номинацияҕа ТАТЬЯНА АНДРОСОВА (ХИФУ) тиксэн, "Айар" кинигэ маҕаһыынын 5 тыһ. суумалаах сэртипикээтинэн бэлиэтэннэ.
--Ону сэргэ өссө 5 кыттааччы -- ОЛИМПИАДА ДАВЫДОВА, ЕГОР ВИНОКУРОВ, САЙААНА ПОПОВА, АРКАДИЙ САМСОНОВ, ГАЛИНА НЕУСТРОЕВА -- үлэлэрэ "Чолбон" сурунаалга бэчээттэниэхтэрэ. Бастыҥ үлэлэр сурунаал олунньутааҕы нүөмэриттэн саҕалаан, утум-ситим бэчээттэнэн иһиэхтэрэ.
В.Н. Протодьяконов кэриэһигэр уус-уран литература кириитикэтин сабыылаах күрэһин тэрийэргэ көмөлөспүт "Саха Сирин суруйааччыта" ассоциацияҕа (бэрэссэдээтэл Олег Сидоров), Таатта улууһун Октябрьскай нэһилиэгин дьаһалтатыгар (баһылык Андрей Семенов), "Сахабэчээт" СӨ судаарыстыба автономиялаах тэрилтэтигэр (генеральнай дириэктэр Ньургуйаана Стручкова) уонна Василий Никитич Протодьяконов аймахтарыгар барҕа махтал буоллун!—диэн үөрүүлээх сонунун үллэстэр Гаврил Андросов.
- 0
- 0
- 0
- 0
- 0
- 0