Бу туһунан биологическай ресурсалар, ураты харыстанар айылҕа территорияларын уонна айылҕа пааркаларын дирекцията иһитиннэрдэ.
Экскурсиялар сарсыарда 11 чаастан саҕаланаллар. Иитэр-ууһатар сир бээтинсэттэн баскыһыанньаҕа диэри аана аһаҕас. Сылдьааччылары айылҕалыын алтыһыы, ыраас салгын уонна мааманнары кытары биир кэмҥэ олоро сылдьыбыт бизоннары кытары билсиһии күүтэр.
Бизонарийга диэри Хачыкаат сэлиэнньэтинэн тиийиэххэ сөп.
Киирии билиэти уу харчынан эбэтэр мобильнай баанынан төлүүллэр. Тэрээһиннээх бөлөхтөргө биир улахан киһи киирии билиэтин сыаната - 350 солк, 16 саастарыгар диэри оҕолорго уонна биэнсийэлээхтэргэ -- 175 солкуобай.
Биирдиилээн кэлээччи улахан дьоҥҥо 400 солк, 16 саастарыгар диэри оҕолор уонна биэнсийэлээхтэргэ билиэттэрэ - 200 солк. Сэттэ сааһыгар диэри оҕо босхо сылдьар бырааптаах.
“Сылдьааччылар анал быраабылалары тутуһаллара ирдэнэр. Бөх-сах хаалларбакка, барыта хомуллуохтаах, тиэйиллиэхтээх, оҕолору илиилэриттэн сиэтэр булгуччулаах, кыылларга уонна күрүөлэргэ чугаһыыр бобуллар”, -- диэн дирекция сэрэтэр.
-
0
-
0
-
0
-
0
-
0
-
0
