Саха театрыгар кулун тутар 18, 19, 20 күннэригэр «Саһарҕа хоптото» испэктээкил сүрэхтэниэ
Издательский дом Редакция Подписка
Погода в Якутске: . -41 oC

Дьүкээгир талааннаах поэта уонна драматура Геннадий Дьячков «Розовая чайка» пьесатынан турбут «Саһарҕа хоптото» испэктээкил Саха театрын сыанатыгар түөрт уонча сыл ааспытын кэннэ иккистээн эргилиннэ. Ол эрэн төһө да саҥа үйэ көрөөччүлэригэр таҕыстар, тыҥаан турар тиэмэтэ син биир уларыйбат. 

Дьүкээгир талааннаах поэта уонна драматура Геннадий Дьячков «Розовая чайка» пьесатынан турбут «Саһарҕа хоптото» испэктээкил Саха театрын сыанатыгар түөрт уонча сыл ааспытын кэннэ иккистээн эргилиннэ. Ол эрэн төһө да саҥа үйэ көрөөччүлэригэр таҕыстар, тыҥаан турар тиэмэтэ син биир уларыйбат. 

Дьүкээгир норуота бу Орто дойду тымныы тыыннаах сиригэр кэлэн халлаан кутаатын – дьүкээбили, уматыахтарыттан ыла, мөккүөрдэрэ биир – тулалыыр айылҕа кэрэтин олох туһугар көмүскээһин. Ярхадаана ол уобараһы илдьэ сылдьар буолан, оччолорго да, билигин да айылҕа курдук кэрэ, ураты, ыраас.

TWyCkNLSL8.jpg

Испэктээкилгэ буолар быһыы-майгы сүрүн герой тула барар уонна кини бэйэтинэн олох туһугар охсуһуу сүрүн мөккүөрүн толору көрдөрөр киин уобарас буолар. Ярхадаана тапталы – Орто дойду сүрүн тыынын, саҥардыы билэн, сырдык ыраларын толорор баҕалаах олох олорон испитэ… 

image-17-03-22-06-53-2.jpg

«Саһарҕа хоптото» испэктээкил режиссера Карл Сергучев этэринэн, Ярхадаана өлүүтэ – киһи-аймах эстиитигэр бастакы хардыы. Онон биһиги, аныгы дьон, сир үрдүгэр олорор омуктар, хас биирдии киһи симэлийбэтин туһугар өйбүтүн-санаабытын түмэн бары бииргэ туруулаһыахтаахпыт.

image-17-03-22-06-53-4_1.jpg

Туруорааччы режиссер – Карл Сергучев, сыана худуоһунньуга – Михаил Егоров, көстүүм худуоһунньуга – Саргылана Иванова, муусуканан киэргэтии Александр Решетников, уотунан киэргэтии – Трофим Акимов, сахалыы тылбаас – Ангелла Попова, режиссер көмөлөhөөччүтэ – Вероника Борисова. Оруолларга: Ярхадаана – Айталина Цыпандина, Даша – Ильяна Павлова, Ыстапаан – Валентин Макаров, Агафья Васильевна – Домна Васильевна, Кирилл – Алдан Готовцев, Яков – Вася Белолюбскай, Туруйа Егор – Володя Винокуров, Дьячковскай – Николай Протасов, Жора – Илья Портнягин, Миша – Павел Ченянов, Никииппэр – Дьулустаан Семенов.

saha-teatr-7.jpg

Саха театрын испэктээкиллэригэр «Пушкин каартатын» туһанан босхо сылдьыҥ. Онлайн билиэттэри https://sakhatickets.ru/ ылыаххытын сөп. Каасса күн ахсын өрөбүлэ, тохтобула суох 10:00-18:00 үлэлиир. Билсэр төл: 34-13-31, +79681505602.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Культура

Я рисую жизнь

В Национальном художественном музее РС (Я) состоялось открытие выставки «Я рисую жизнь» в…
04.02.23 13:40