Көр-күлүү күнүнэн!
Издательский дом Редакция Подписка
Погода в Якутске: . -30 oC

Бүгүн муус устар 1 күнэ, көр-күлүү күнэ! Сөбүлүүр артыыспытын Юрий Никулины саныы таарыйа, кини кэпсээбит анекдоттарын ааҕан күлүөххэ-үөрүөххэ!

Бүгүн муус устар 1 күнэ, көр-күлүү күнэ! Сөбүлүүр артыыспытын Юрий Никулины саныы таарыйа, кини кэпсээбит анекдоттарын ааҕан күлүөххэ-үөрүөххэ!

 654529

Болкуобунньук

Арай биирдэ эр киһи тойоҥҥо кэлэр. Хамначчыт тахсан ыйытар:

- Тойоҥҥо ким кэллэ диибиний?

- Болкуобунньук кэллэ диэ.

Хамначчыт тойоҥҥо сүүрэн киирэн «бокуонньук кэллэ!» диир. Ону истээт кубархай сирэйдэммит тойон түннүктэн ыстанан кэбистэ.

 

Бэргэһэ

Итирик киһи иэҕэҥнии-иэҕэҥнии манньыаты аптамаакка симэ сатыы турар. Аттынан дьахтар ааһан иһэн этэр:

- Дьэ, итириксит сордоох! Өссө таксыыс эбиккин дуу.

- Тоҕо таксыыс диэтиҥ?

- Таксыыс бэргэһэлээххин дии.

Устан баран бэргэһэтин көрөр:

- Оннук эбит дии. Оттон хаһан эрэ андаатар бэргэһэ этэ.

 

Итирик киһи троллейбуска

Итирик киһи толору дьонноох троллейбуска киирэр. Сарсыарда киһи барыта үлэтигэр сабыстыгас дьүһүннээх айаннаан иһэр. Итириксит ону көрөн этэр:

- Доҕоттоор, таһырдьаны көрүҥ! Саас кэлбит!

Ким да саҥарбат.

- Күн тыгар, дьон үөрэр!..

Ким да аахайбат.

- Чэ, ким да суох буоллаҕына, мин манна ииктиэм.

 

Сэбиэскэй уонна американскай аракыата

Халлааҥҥа бэйэ-бэйэлэригэр утары икки баллистическай аракыата көтөн иһэр. Биирэ сэбиэскэй, биирэ – американскай. Чугасыһан иһэн саалла сыһан баран тохтууллар. Биһиэнэ американскайтан ыйытар:

- Хайа диэки көтөн иһэҕин?

- Эһиэхэ. Оттон эн?

- Оттон мин эһиэхэ көтөн иһэбин.

- Мин эйигин хайдаххын саҥа көрөбүн. Маннык эбиккин дуу...

- Бачча көрсүспүччэ билсиһии туһугар биирдии ыстакааны иһиэххэ.

- Дьэ эрэ, иһиэххэ.

Иһэн баран американскай этэр:

- Мин олус күүстээхпин, эһиннэхпинэ, туох да хаалыа суоҕа.

- Мин даҕаны оннук күүстээхпин – диир сэбиэскэй аракыата.

Онтон эмиэ иһэн баран американскай этэр:

- Мин бу санаатым ээ – эһиннэхпинэ өлөбүн дии. Эн эмиэ өлөҕүн.

- Оннук.

- Пахай! Иэдээн! Иккиэн өлөр эбиппит дии...

- Оччоҕо дууһабытын кэриэстээн өссө иһиэххэ.

- Чэ, мин көттүм.

- Барыаҥ иннинэ өссө иһиэххэ.

Иһэн баран американскай аракыата этэр:

- Хайдах эрэ буоллум, сүрэҕим эриллэр.

- Долгуйума, дьиэҕэр атаарыам.

20 кэппиэйкэ

Эр дьон мустан олороллор. Арыгы ыларга 1 солкуобайдара тиийбэт. Биир уолу ааһан истэҕинэ:

- 20 кэппиэйкэтэ биэр эрэ – дииллэр.

- Суох.

- Биэрбэтэххинэ кырбыахпыт.

- Суох ээ 20 кэппиэйкэм.

- Хайдах суоҕуй?! Эн кимҥиний?

- Устудьуоммун.

- Бааска, 20 кэппиэйкэтэ биэр эрэ бу уолга.

Иирээкилэр

Психиатрическай балыыһа аттыгар ыскамыайкаҕа иирээкилэр олороллор.

- Пиибэ испит киһи.

- Харчыта бырахсыахха, олбуорунан ыттан тахсан пиибэ ылан кэлиэм.

Харчыны хомуйан баран тахсан пиибэ лааппытыгар тиийэр:

- Кыыс, биэс курууска пиибэтэ кутан биэр эрэ.

- Ханна кутабыный?

- Сэлээппэбэр кут.

Түөрт куруусканы куппутугар сэлээппэтэ туолан хаалла.

- Оттон бэсиһи ханна кутабын?

Киһибит сэлээппэтин таҥнары тутан баран:

– Манна кут – диэтэ.

Сэлээппэтин оннук туппутунан илдьэ барда. Аҕалбытыгар табаарыстара ыйыталлар:

- Тоҕо аҕыйах баҕайыный?

- Аҕыйах дуо? – сэлээппэтин төттөрү эргитэр – Өссө бу баар дии.

Хара килиэп

Уулусса устун суумкалаах дьахтар хааман иһэр. Суумкатыгар килиэптээх. Арай халтырыйан охтубутугар килиэбэ бадарааҥҥа түстэ. Онуоха биир киһи кэлэн:

- Килиэпкин ылыый – диир.

- Киртийбит дии, хап-хара буолбут. Оттон мин куртаҕым ыалдьар – хара килиэби сиирим көҥүллэммэт.

 

Хамса

Троллейбуска кыракый ыты хонноҕор укта сылдьан биир дьахтар айаннаан иһэр. Кини утары олорор оҕонньор хамсаны хостоон баран айаҕын аттыгар тутар. Онуоха дьахтар абаран:

- Троллейбус иһигэр табахтаама, табахтыылларын сөбүлээбэппин! –диир.

- Мин табахтаабаппын. Көннөрү айаҕым аттыгар тутабын ээ.

- Суох, син биир сөбүлээбэппин. Хамсаҕын киэр гын!

Оннук мөккүһэ олорон дьахтар кыһыытыттан оҕонньор хамсатын былдьаан түннүгүнэн быраҕан кэбиһэр. Онуоха оҕонньор дьахтар ытын түннүгүнэн быраҕар. Айдаан бөҕөтө буолар, троллейбуһу тохтотоллор. Арай көрбүттэрэ ыт сүүрэн иһэр, оттон айаҕар... бу иннинээҕи анекдот килиэбэ.

Эбисийээнэлэр

Атомнай сэрии кэнниттэн киһи аймах бүтүннүү өлөн-сүтэн хаалбыт. Африкаҕа эрэ биир киһи тыыннаах ордор. Арай пальма анныгар олордоҕуна, үөһэттэн төбөтүн үрдүтүгэр эбисийээнэ кокос быраҕан бу киһини өлөрөн кэбиһэр. Ону иккис эбисийээнэ этэр:

- Бүтэһик киһини өлөрдүҥ дии. Аны барытын саҥаттан саҕалыырбытыгар тиийэбит.

Чөмчүүк

Биир француз киһитэ устрицалары олус сөбүлүүр эбит. Биирдэ ону сии олордоҕуна чөмчүүк түбэһэн харан хаалбыт. Хата ол чөмчүүк кинини абыраабыт этэ. Бырааһын уонна көмүүтүн төлүүргэ харчыта оруобуна тиийбитэ.

Сонотуоруй

Сарсыарда эрдэ сонотуоруй иһэ ыксаабыт киһи хаһыытынан туолла.

- Мин хаамабын! Мин мантан ыла хаамабын! Хаамар буоллум!

- Атаҕыҥ үтүөрдэ дуо?

- Суох, массыынабын уордулар.

Поле чудес

«Поле чудес» оонньуутугар биир киһиэхэ бириис сиэктэрэ түбэһэр. Хара дьааһыгы таһаараллар. Ыытааччы 10 солкуобайы биэрэр, оонньооччута ылбат, бирииһи талар.

- 20 солкуобай?

- Бириис.

- 100 солкуобай?

Суох, бирииһи ылабын.

- 3500?

- Бириис.

- Оччоҕо бирииһи бэйэҥ хостоо.

Дьааһыкка илиитин уган баран «Аа, крокодил!» диэн ыһыытаан киирэн барда. Онуоха оонньуу ыытааччыта этэр:

- Ити крокодил буолбатах. Ити бөрөнү тутар Philips пиирмэ хапкаана.

Попугай

Америкаҕа чыычаахтары сөбүлүүр баай киһи баар эбит. Биирдэ кини зоо маҕаһыыҥҥа эриэккэс попугай баарын туһунан хаһыакка ааҕар. Ол маҕаһыыҥҥа тиийэн попугайы көрбүтэ – хас биирдии атаҕа быалаах этэ. Ону баай киһи ыйытар:

- Атаҕа тоҕо быалааҕый?

- Бу боростуой попугай буолбатах. Бу дьиктилээх попугай. Хаҥас быатын тартахха – псаломнары ааҕар, уҥа быатын тартахха – Бёрнс хоһооннорун ааҕар.

- Оттон икки быаны иккиэннэрин тартахпына туох буоларый?

Онуоха попугай хоруйдуур:

- Акаары, сууллан түһүөм дии.

  • 0
  • 0
  • 1
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Спецпроекты

Саха Сирин «Олохтоох каадырдары промышленноска» бырайыага эдэр ыччаты үлэнэн хааччыйыы бастың практикаларын Бүтүн Россиятааҕы куонкуруhун финалыгар таҕыста

«Олохтоох каадырдары промышленноска» ѳрѳспүүбүлүкэтээҕи бырайыак ыччаты үлэнэн хааччыйыы…
07.12.22 20:49