Иккискэ – намнар, үһүскэ – аммалар. Саамай долгутуулаах сүүрүү 2400 миэтэрэҕэ буолла. Тоҕо диэтэххэ, бу сүүрүүгэ Ил Дархан 5 мөлүйүөнэ оонньонно.
Түөрт саастарын ааспыт Есаул, Блэк Джек, Корибиан Бой, Анкэнди, Свидетель Барс, Джаффар, Альтер, Брокер Барс, Мэйзи Кинг, Майн Кениг бастаан утаа бары тэҥҥэ баран иһэн, бастаан Блэк Джек урутаан тахсыбыта. Онтон Брокер Барс кинини ситэн, иннитигэр кими да аһардыбакка, 2 500 000 солкуобайынан наҕараадаланна. Иккискэ -- Мэйзи Кинг. Майн Кениг үһүстээтэ.
Брокер Барсы Иван Никифоров былырыын Красноярскай кыраайтан ылбыт. Саха сиригэр бу саҥа иккис эрэ кыттааһына уонна улахан ситиһиилээх буолла.
--Сахалар саамай сөбүлүүр спорпут көрүҥэ – ат сүүрдүүтэ -- былырыын Үс Хатыҥҥа 10 000 тахса киһини түмпүтэ. Быйыл көрөөччүтэ суох ыытылынна. Ол эрээри хас эмэ сүүһүнэн тыһыынча киһи тэлэбиисэринэн көрбүтэ буолуо дии саныыбын. Бу тэрээһин маннык уустук кэмҥэ үрдүк таһымнаахтык ааспытыгар махтанабыт Ил Дархаммытыгар уонна быһа эфири олохтообут “Саха” НКИХ кэлэктиибигэр, -- диэтэ ипподромнаах АГУТУ ректора Иван Слепцов.
Миэстэлэспиттэри билиһиннэрдэххэ:
800 миэтэрэҕэ (“Сайыҥҥы бириис”): I м -- Арктик (Мэҥэ Хаҥалас), II м -- Афина (АГАТУ), III м -- Нумизматик (Үөһээ Бүлүү).
1000 м («Критериум» бирииһэ): I м -- Суфражистка (Нам), II м -- Варадеро (Амма), III м -- Кул Джет (Үөһээ Бүлүү).
1600 м (ОКС бирииһэ): I м -- Николь, II м -- Армада, III м -- Атланта (үһүөн Мэҥэ Хаҥаластан).
2000 м («Югория» бирииһэ, Саха сиригэр төрөөбүт ыраас хааннаах боруодаларга): I м -- Арктик Бой (Амма), II м -- Норд Стар (Мэҥэ Хаҥалас), III м -- Түмэн (Хаҥалас).
3200 м (СӨ Бырабыыталыстыбатын бирииһэ): I м -- Сандал (Нам), II м -- Сайбер Шот (Мэҥэ Хаҥалас), III м -- Жирков (Чурапчы).
--Бу сүүрүү онлайн ыытыллыбыта эрэ уратылаах буолбатах. Өссө Ил Дархан бирииһин кээмэйин улаатыннарбыта эмиэ бэлиэ түгэн буолар. Ол курдук, 2400 миэтэрэҕэ бастаабыт 2,5 мөлүйүөнү, иккистээбит 1 250 000 солкуобайы, үһүстээбит 750 тыһыынчаны, төрдүстээбит 500 000 солк. ылла, — диэн кэпсиир Тыа хаһаайыстыбатын миниистирин солбуйааччы Николай Афанасьев.
-
0
-
0
-
0
-
0
-
0
-
0
