Саха атын аан дойдуга билиһиннэрэр улахан соруктаах айанньыттары уолбалар үөрүүлээх быһыыга-майгыга көрүстүлэр.
Оруобуна бүгүн, кулун тутар 16 күнүгэр, айар тыл аҕата А.Е.Кулаковскай-Өксөкүлээх Өлөксөй төрөөбүтэ 144 сыла. Кини Өймөкөөҥҥө хаста да бара сылдьыбытын, онно ыһыах ыспытын бары билэбит. Ол суолунан айаннатан, уолаттар Өксөкүлээх төрөөбүт күнүгэр Тааттаҕа кэлбиттэрэ эмиэ суолталаах.
Салгыы Баайаҕаҕа тиийэн, икки хонук сынньаныахтара. Онтон Саҥа Олоҕунан Чурапчы Арыылааҕар барыахтара.
Ил Дархан ыйааҕынан 2017 сылтан ыла кулун тутар 25 күнүгэр Сылгыһыт күнүн бэлиэтиибит. Онно буолуохтаах сылгыһыттар өрөспүүбүлүкэтээҕи сугулааннарыгар сылдьан, аттаах айанньыттар хайа диэки муоһаларын туталларын чопчулуохтара.
Идиэйэ уган баран, Англиятыгар барбыт Никита Греци, хата, көҕүлээн кэбиһэн, биһиги уолаттарбыт, этэҥҥэ буоллар, Саха АССР 100 сылыгар, өрөспүүбүлүкэҕэ бэлэх курдук, саха атын аан дойдуга ааттаталлара буоллар...
- 0
- 0
- 0
- 0
- 0
- 0