Стилист Марина Сташкова маннык сүбэлиир:
- Үлэһит дьахтар гардеробугар пастельнай өҥнөөх хас да булууһа, көстүүм баар буолуохтаах. Офиска классическай истиил барсар, өскөтүн үлэҕэр дресс-код ирдээбэт да буоллахтарына, дьоһуннаахтык таҥна сылдьар дьону салалта, биир идэлээхтэриҥ даҕаны ытыктыы көрөллөр.
Дьыалабыай таҥастаах дьон тылын-өһүн киһи кэбэҕэстик ылынар, итэҕэйэр, кэпсэтии үтүө түмүктээх буолар. Үлэҕэ хараҥа күөх, сиэрэй, бороҥ, графитовай дьүһүн барсар. Дьыл кэмиттэн тутулуга суох атах таҥаһын уларыттан, түүппүлэ кэтэр ордук. Офиска балетка, баанчыктаах, киэргэллээх атах таҥаһа барсыбат. Сыаналаах, хаачыстыбалаах атах таҥаһын, истиилгин ситэрэн биэрэр үчүгэй суумка ылынарга харчыны харыһыйар сатаммат.
Мунньахха тырыттыбыт лиистээх, эһэ миискэ ойуулаах блокнот дьоһуна суоххун көрдөрөр. Онон аксессуарга болҕомто ууран, ежедневник атыыласпыт ордук.
Уһун суһуоххун ыһан, арбайа сылдьыбакка бүрүчүөскэлээх, баттаҕыҥ натуральнай өҥнөөх, тыҥыраҕыҥ маникюрдаах буолуохтаах. Сорох дьахталлар үрүҥ баттахтара үүммүтүн кэмигэр кырааскаламматтар, бу көрүөххэ соччото суох. Биир да кырааската суох сүллүкүн курдук сылдьыбакка, хааскын, хараххын эмиэ оҥостуохтааххын. Ыраас-чэнчис, бэйэтин көрүнэр, оҥостор дьахтар муодаттан хаһан даҕаны тахсыбат.
Хаартыска: https://shopspn.ru/m1273/p210070938
-
1
-
0
-
1
-
0
-
0
-
0
