Оҕурсуу
Оҕурсууга тарҕаммыт ыарыынан силис сытыйыыта (корневой гниль) буолар. Үүнээйи угар инчэҕэй хара бээтинэлэр үөскүүллэр. Улаатан умнаһын барытын ыарытыннаран, оҕурсуу үүнэ туран охтор. Бу грибковай ыарыы түүнүн температура түһүүтүттэн, олус эрдэ оҕурсуу арассаадатын сылыйбатах буорга олордууттан эбэтэр тымныы уу кутартан үөскүүр. Ыарыыны тарҕатар тэллэйдэр буорга эбэтэр ситэри ыраастаныллыбатах силис тобохторугар кыстыыллар. Үүнээйибитин хайдах эмтиибит? Теплицаҕа саас эрдэ уонна күһүн оҕурсуу уктара хомуллубуттарын кэннэ хайаан даҕаны дезинфекциялыыр наада. Дезинфекцияҕа сернай шашка уонна «Хом» диэн препараты туһаныллар. Бу ыарыы профилактикатыгар оҕурсууга сылаас уу кутуллар. Ыалдьыбыт уктары тууран уматыллар. Ыарыы кыра стадиятыгар, о.э. инчэҕэй бээтинэ үөскээри гыммыт буоллаҕына, үлтүрүйбүт мас чоҕунан эбэтэр күлүнэн сотуллар. Ууну сэрэнэн, угу инчэппэккэ эрэ эргиччи кутуллар.
Помидор
Помидорга тарҕаммыт ыарыынан «вершиннай гниль» буолар. Бу ыарыы помидору таһырдьа да, теплицаҕа да сутуйуон сөп. Помидор аһыгар аллараа өттүгэр хараҥа бээтинэ үөскүүр, сыыйа улаатан иһэр. Күөх аһа оннук хараарар уонна угугар туран түргэнник кытарар. Бу ыарыы олус элбэх ууну кутартан, үүнэн турар буоругар кальций тиийбэтиттэн уонна теплица иһигэр салгын хамсаабатыттан үөскүүр.
Эмтээһин уонна профилактика хайдах барыахтааҕый? Ыалдьыбыт укка кальциевай селитра кутан, бу ыарыыны кыайыахха сөп. Профилактикаҕа помидорга ууну сөпкө кутар улахан оруоллаах. Күн-дьыл туругун кэтээн көрөн, ууга чахчы наадыйар кэмигэр ууну кутуллуохтаах. Күһүн оҕуруот аһа хомуллубутун кэннэ буоругар доломитовай бурдук кутан биэриэххэ сөп.
-
0
-
0
-
0
-
0
-
0
-
0
