Желатины, дьиҥэ, бу эйгэ аар-саарга аатырбыт кииннэрэ, салоннара бары кэриэтэ тутталлар. Ону кинилэр хас эмэ бүк харчыга оҥороллор. Ону эһиги дьиэҕитигэр оҥостуоххутун сөп.
Желатин киһи тириитигэр олус туһалаах уонна үчүгэйинэн эрэ дьайар. Сирэй тириитин мырчыстаҕаһын тэнитэр, сымнатар, маҥхатар.
Сирэй тириитин тупсарарга желатиннаах кириэм.
Маны киһи бэйэтэ дьиэтигэр таах оҥостуон сөп.
1 ч.л. желатин, 100 мл уу, 3 ост. л. мүөт, 0,5 ыстакаан глицерин уонна 1 г салициловай кислота (быһах төбөтүгэр) ылабыт. Барытын холбуу булкуйабыт.
Булкадыһахтаах иһиппитин итии ууга туруорабыт уонна маассабыт сүөгэй курдук биир кэм буолуор диэри булкуйабыт. Иһиппитин ууттан таһаарабыт уонна сойутабыт. Бу кэмҥэ булкуй да булкуй буолабыт. Маассабыт желеҕа майгынныыр кириэм буолуохтаах. Бэлэм кириэми хас күн аайы утуйуоххут иннинэ икки чаас баарына сирэйгитигэр соттоҕут. Сирэйгэ иҥмэтэх кириэми салпыакканан ылыллар. Бу кириэм биир ыйга тиийэр. Кириэми халадыынньык үөһээҥҥи долбууругар ууруллар.
-
0
-
0
-
0
-
0
-
0
-
0
