Харбыт киһи көхсүн (лаппаакыларын икки ардынан) сутуруккутунан охсуолааҥ. Охсоргутун кытта, харбыт киһи сөтөллөрө наада. Сөтөллөр кэмигэр кэннититтэн икки илиигитинэн кууһан туран, куртаҕын диэкинэн баттааҥ. Оччоҕуна аһы буһарар суолга дабылыанньа уларыйар уонна тыынар уоргаҥҥа киирбит биридимиэт, ас тахсыан сөп.
Эмсэҕэлээбит киһигитин көхсүнэн сытыарыҥ уонна икки ойоҕоһун аллара өттүнэн эмискэччи баттааҥ. Ону кытта тэҥҥэ күөмэйиттэн харбыт биридимиэтин хостуу сатааҥ. Харбыт киһи көхсүнэн өр сытыа суохтаах. Ордук өйүн сүтэрбит буоллаҕына. Ол түгэҥҥэ ордук кутталлаах турук үөскүүр - трахеяны хотуо бүөлээн кэбиһэн, харбыт киһи тыынын кыайан ылбакка өлүөн сөп. Оннукка түбэспэт инниттэн иһинэн сытыарыҥ, ньуосканан эбэтэр быһаҕынан тиистэрин атытыҥ уонна тылын хамсаппакка биир сиргэ тутуҥ.
Харбыт киһи муннунан хаана күүскэ бардаҕына, сэҥийэтин түөһүгэр анньан баран бүк түһэн олоруохтаах, ол кыаллыбат буоллаҕына, ойоҕоһунан сытыан сөп.
-
0
-
0
-
0
-
0
-
0
-
0
