Росавиация иһитиннэрбитинэн, Ростовскай, Белгородскай, Курскай, Воронежскай уобаластарга, Краснодарскай кыраайга, Ставрополье, Калмыкия уонна Крым аэропортара үлэлэрэ олунньу 24 күнүттэн кулун тутар 2 күнүгэр диэри хааччахтанна. Кэлин Липецкай уолбалас аэропорт үлэтин тохтоппутун туһунан иһитиннэрдэ.
Крым баһылыга Сергей Аксенов Украина кыраныыссатын чугас эргин сытар сирдэр оскуолаларга уонна оҕо уһуйааннарыгар быстах кэмҥэ үлэлэрин тохтотор туһунан быһаарыы ылынна. Бу иннинэ маннык хабааннаах дьаһалы Белгородскай уобалас губернатора Вячеслав Гладков ылыммыта. Маны таһынан, Брянскай уобалас губернатора Александр Богомаз эмиэ итинник дьаһаммыта. Курскай уобалас губернатора Роман Старовойт Украинаҕа ыаллыы сытар нэһилиэнньэлээх пууннарга оскуолалары ыраахтан олорон үөрэх көрүҥэр көһөрөргө быһаарыыы ылынна. Көрдөрөрөр-иһитиннэрэр хампаанньалар суруйалларынан, Ростовскай уобаласка оҕо уһуйааннара быстах кэмҥэ сабылыннылар, оскуолалар ыраахтан олорон үөрэх көрүҥэр көстүлэр.Белгородскай уобаласка кырата биир снаряд түспүтүн туһунан биллэрдилэр. Ол түмүгэр биир киһи эмсэҕэлэммит. Өссө биир снаряд олохтоох наркодиспансер территориятыгар түспүтүн суруйбуттара сымыйа сурах буолла.
- 0
- 0
- 0
- 0
- 0
- 0