Биһиги Хатаска от ыйын 29 күнүгэр Хатастааҕы «Тускул» култуура киинин камернай саалатыгар бырааттыы Афанасий, Анатолий Калачевтар «Дууһабит иэйиитин арыйан» диэн ааттаах айар киэһэлэригэр үөрүүнэн тахсан, олус астына киирдибит.
Калачевтар ийэлэрэ, аҕалара олус музыкальнай дууһалаах ыаллар эбит. Ол курдук, пианино атыылаһан, оҕолорун барыларын Хатастааҕы музыкальнай оскуолаҕа үөрэттэрбиттэр. Онон кыраларыттан олус ырыаһыттар. Бырааттара Анатолий үһүс сылын ырыанан дьарыктанар, айар кэнсиэрин ыыппыт. Афанасий Саха сиригэр биллэр логопед учуутал, Ис дьыала министиэристибэтин иһинэн үҥкүү ансаамбылын салайааччыта. «Саха» НКИХ сэрийээлин артыыһа.
Биһиги Ирабытыгар төннөн эттэххэ, Сэргэлээххэ үөрэнэ сылдьан, ИФФ «Саха салаата-79» студеннара бырааһынньык аайы Хатаска тахсан хонон, ыал минньигэс аһын аһаан, сэргэхсийэн киирээччибит. Ира Анаабыртан уоппускаҕа кэллэҕинэ мэлдьи көрсүһэр үтүө үгэстээхпит. Ира кэргэнэ Гавриил өрөспүүбүлүкэҕэ биллэр мелодист, Дьокуускай куоракка эмиэ буһурук куйааска «Дуораан» студияҕа кэнсиэригэр астына сылдьан, ырыаһыт күтүөппүтун астына көрбүппүт.
Бырааттыы Калачевтар дьоро киэһэлэригэр Афанасийдаах Анатолий ылбаҕай ырыаларын астына иһиттибит.
Марта Николаева
-
3
-
0
-
0
-
0
-
0
-
0
