Издательский дом Редакция Подписка
Погода в Якутске: . 30 oC

Олунньу 1 күнүгэр Дьокуускай куорат А.Е. Кулаковскай - Өксөкүлээх аатынан норуоттар доҕордоhууларын дьиэтигэр, «Симэх» Национальнай киин галерятыгар «Уус Алдан улууhун уран уустарын түhүлгэтэ» быыстапка аhылынна. 

Олунньу 1 күнүгэр Дьокуускай куорат А.Е. Кулаковскай - Өксөкүлээх аатынан норуоттар доҕордоhууларын дьиэтигэр, «Симэх» Национальнай киин галерятыгар «Уус Алдан улууhун уран уустарын түhүлгэтэ» быыстапка аhылынна. 

Быыстапка Уус Алдан улууhун норуот маастардарын түмэр «Мындыр» уопсастыбаннай холбоhук тэриллибитэ 10 сылыгар ананар, уустар тѳрүт сахалыы тыыннаах, истиҥ иэйиилээх ураты кэрэ оҥоhуктарын киэҥ кѳрүүгэ таhаарар.

KVA 2860

Быыстапка бастакы күнэ Уус Алдантан тѳрүттээх элбэх киhи, ыҥырыылаах ыалдьыт кыттыылаах бэрт сэргэхтик ааста. Мустубут дьону Ил Түмэн Бэрэссэдээтэлин бастакы солбуйааччы Александр Жирков, өрөспүүбүлүкэтээҕи «Симэх» Национальнай киин дириэктэрэ Яна Игнатьева, Уус Алдан улууhун дьокутааттарын Сэбиэтин бэрэссэдээтэлэ, «Мындыр» уопсастыбаннай холбоhук салайааччыта Иннокентий Аммосов уонна да атыттар эҕэрдэлээтилэр. Уус Алдан култууратын үлэhиттэригэр, маастардарга наҕараадалар туттарылыннылар.

KVA 2800

Александр Жирков уран уустарга туһаайан саха төрүт ускуустубатын салгыы харыстаһарга, сайыннарарга ыҥырда, таһыттан өтөн киирииттэн сэрэттэ. Кини: «70 сыл анараа өттүгэр, 1954 сыллаахха Гамбург куоракка тахсыбыт «Орнаментальное искусство якутов» диэн кинигэтигэр биллиилээх этнолог-учуонай Улла Йохансен Европа түмэллэригэр баар 19 үйэтээҕи саха оһуорун ускуустубатын пааматынньыктарын үѳрэтэн баран, «Саха уратылаах оһуорун  (ойуулуур) ускуустубалааз, ол гынан баран онно таhыттан атын култууралар ѳтѳн киириилэрэ биллэр буолан эрэр» диэн суруйбута. Онон эhиги иннигитигэр саха ойуулуур, иистэнэр, уһанар төрүт дьарыгын атын омук киэнин кытта булкуйбакка, харыстаан илдьэ сылдьар сорук турар. Тѳhѳ кыалларынан бу дьарыккытын сайыннарыҥ, тѳрүттэрбит оhуор-мандар ойууларын-бичиктэрин үѳрэтиҥ, харыстааҥ», — диэн уустары ыҥырда, айар үлэлэригэр ситиhиилэри баҕарда.

KVA 2971

Уус Алдан айар талааннаахтарын оҥоhуктарын быыстапката олунньу 15 күнүгэр диэри ыытыллыаҕа. Манна туостан, кылтан, кыhыл, үрүҥ кѳмүстэн, тимиртэн, мастан, түүлээхтэн уонна тирииттэн дьикти оҥоhуктарын кѳрүѳххэ сѳп. Ону таhынан, уустар кылтан ѳрүүгэ, туостан дьиэ иhитин-хомуоhун оҥорууга, итиэннэ бууктаах сону, дьабака бэргэhэни уо.д.а. национальнай таҥаhы тигиигэ маастар-кылаастары биэриэхтэрэ, сорох оҥоhуктарын атыыга таhаарыахтара.

KVA 2860

Василий Кононов хаартыскалара

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Түһүлгэ

«Суораттааҕым барахсан»

Кэҥкэмэ кэрэ айылҕатыгар олорор Чомчоевтарга ааспыт өрөбүлгэ ыалдьыттаан, «Суораттааҕым…
14.07.24 12:30