Бу ый олунньуну батыһар. Сайыны иэҕэр самыыр уонна өксүөн ардаҕа диэн икки сүрүн ардахтаах.
Атырдьах ыйын күнүн-ыйын кэтээн уонна от-мас туругунан сылыктаан күһүнү билгэлииллэр.
Ый билгэтэ
1 -- бу күн хайдаҕый да, күһүнэ оннук буолар. Ардаатаҕына -- күһүнэ өксүөн, курааннаатаҕына күнүэ кураан буолар.
2 -- Ылдьыын (Илья бороруок күнэ). Бу күн күнүскү аһылыкка диэри -- сайын, онтон киэһэтэ күһүн. Бурдук, дьэдьэн буһар. Кус оҕото көтөр. Түүнүн хараҥаран барар. Сорох дьыл бастакы хаһыҥнар түһэллэр. Сөтүөлээһин бүтэр. Ыаллар хортуоппуйдарын амсайаллар.
10 -- моонньоҕон буһар. Чыычаах үөрдүүр. Этиҥ этэн түүнү хараҥардар.
14 -- Бастакы Ыспааһап (Спас таҥара күнэ). Ыспааһаптар ардахтара түһэр. Сахаларга хотуур ортото, онон бу күн сынньаналлар. Анды оҕото түөрт харах буолар, ыҥырыа мүөт таһара уурайар. От-мас кэхтэн, сарт кутуруга дьүһүннэнэр.
15 -- от-мас орохсуйар тыала түһэр.
16 -- Силлиэ түстэҕинэ, кыһына хаардаах буолар.
17 -- хараҥаччы барар.
19 -- Ортоку Ыспааһап. Бурдук хомуура саҕаланар. Күһүҥҥү ардахтар, хаһыҥнар түһэллэр. Бу күн хайдаҕый да, Бокуруопка оннук күн буолар.
20 -- отон буһар.
27 -- тыаллаах ардах түстэҕинэ, балаҕан ыйа силбиктэнэр.
28 -- Үһүс Ыспааһап. От үлэтэ үмүрүйэр. Ый бүтэһигэр оту-маһы «сыырар» тыал түһэр, ол аата от-мас уутун куурдан, тымныы түстэҕинэ иһэлиппэт, үлүппэт гына тыалынан көтүтэр. Хас да хонуктаах ааспат ардаҕынан бэлиэтиир. Эһиил үчүгэй кэлиэх буоллаҕына, от кэнчээрилиир. Бу күн туруйа айаннаатаҕына, Бокуруопка тымныы буолар.
Ый бүтэһигэр андаатар иккиһин төрүүр.
Интернет ситимиттэн ылылынна
-
0
-
0
-
0
-
0
-
0
-
0
