Онуоха саамай сөбүлээн-биһирээн, үөрэ отун тутталлара. Бу оту сайын хомуйан, хатаран хаһааналлара, суоракка уонна тарга кутан сииллэрэ. Ону таһынан эмтээһиҥҥэ эмиэ дэгиттэр туһаналлара. Ол курдук, норуот эмчиттэрэ Ньыыкан кырдьаҕас, Гурий Турантаев, Владимир Кондаков үөрэ отун сүhүөх ыарыыларыгар түөн уурарга, сүhүөх ньиэрбэлэрин ититэргэ уо.д.а. туhаммыттара биллэр.
Саха аныгы отоһута, анал үрдүк үөрэхтээх провизор, фармацевтика наукатын хандьыдаата, эмтээх отторго идэтийэр Лена Кривошапкина үөрэ отун анаан-минээн чинчийэн, бу ураты энергетикалаах үүнээйи эмкэ уонна аска туттуллуутун үөрэппит.
«Муус Хайа» эрэстэрээҥҥэ тэриллибит Үөрэ дьоро киэһэтигэр Лена Георгиевна үөрэ отун хаһан, хайдах хомуйар, хатарар итиэннэ ханнык ыарыыларга туһанар уо.д.а. туһунан кэпсээтэ, ыйытыыларга хоруйдаата.
Кини үөрэ отунан аһылык амтанын тупсарарга оҥорбут ырысыаптарынан эрэстэрээн шеф-асчыта Семен Тарбахов үөрэ оттоох сылаас бутугаһы, утаҕы, саламааты, лэппиэскэ икки көрүҥүн, минньигэс бурдук аһы уонна үөрэ отун симэһининэн амтана дьиктитик байытыллыбыт убаһа этин астаан күндүлээтэ.
«Үөрэ ото в кляре» диэн саҥа ураты бүлүүдэ баар буолбут! Бу туһунан сиһилии «Ил Түмэн» хаһыат кэлэр нүөмэригэр ааҕыҥ.
-
6
-
0
-
0
-
0
-
0
-
1
