Аҕыйах хонуктааҕыта “122” сулууспаҕа чат-бот үлэтин саҕалаата. Call-киин исписэлиистэрин сэргэ чат-бот нөҥүө кэпсэтиэххэ, нааданы быһаарсыахха сөп буолла. Доруобуйа харыстабылын миниистирин солбуйааччы Надежда Федорова эппитинэн, чат-бот күҥҥэ саамай элбээбитэ икки тыһыынчаҕа диэри звоногу ылар кыахтаах. Омикрон вирус дьаҥа күүһүрбүт кэмигэр, олунньуга, чат-бот сибээс хайдах үлэлиирин, төһө көдьүүстээҕин бэрэбиэркэлээбиттэрэ.
“122” сулууспа – Саха сирин доруобуйатын харыстабылын министиэристибэтин иһинэн үлэлиир биир кэлим контакт-киинэ. 2020 сыл сэтинньититтэн үлэлиир. Мэдиссиинэ тэрилтэлэригэр, суһал көмө сулууспатыгар сибээскэ таһаарар. Маны таһынан “СOVID-19” дьаҥ боппуруостарыгар консультацияны биэрэр.
- 0
- 0
- 0
- 0
- 0
- 0