Издательский дом Редакция Подписка
Погода в Якутске: . -11 oC

«Сахаагроплем» судаарыстыба бүддьүөтүн тэрилтэтэ «Дьокуускайдааҕы өрөспүүбүлүкэ клиническэй балыыһата» судаарыстыба бүддьүөтүн тэрилтэтигэр бастакы партия медицинскэй кислороду биэрдэ.

«Сахаагроплем» судаарыстыба бүддьүөтүн тэрилтэтэ «Дьокуускайдааҕы өрөспүүбүлүкэ клиническэй балыыһата» судаарыстыба бүддьүөтүн тэрилтэтигэр бастакы партия медицинскэй кислороду биэрдэ.

Азоту-кислороду оҥорор ыстаансыйа (АКДС) ынах сүөһүнү искусственнайдык буоһатыыга туттуллар биоматырыйаалы тоҥорон харайар уонна улуустар хаһаайыстыбаларыгар тиэрдиллэр убаҕас азоту оҥорон таһаарарга анаан, Тыа хаһаайыстыбатын министиэристибэтин үбүлээһининэн 1992 сыллаахха тутуллубута. Бастаан «Североагропромхимия» холбоһук, онтон «Сахаплемхолбоһук» иһинэн үлэлээбитэ, 2019 сылтан «Сахаагроплем» СБТ иһинэн үлэлиир. Тыа хаһаайыстыбатын министиэристибэтэ уонна Бырабыталыстыба үбүлээһиннэринэн, быйыл сууккаҕа 4 туонна убаҕас кислороду оҥорор кыамталах салгыны араарар установка (ВРУ-170) атыылаһыллан туруорулунна.

Ааспыт бээтинсэҕэ «Сахаагроплемҥэ» тэриллибит саҥа тэрил биһирэмигэр анаммыт үөрүүлээх дьаһалга Бырабыыталыстыба Бэрэссэдээтэлин солбуйааччы Михаил Никифоров, тыа хаһаайыстыбатын миниистирин солбуйааччы Николай Афанасьев, доруобуйа харыстабылын миниистирин бастакы солбуйааччы Роман Савин, «Дьокуускайдааҕы өрөспүүбүлүкэ клиническэй балыыһата» СБТ кылаабынай бырааһын солбуйааччы Геннадий Тайшин кыттыыны ыллылар.

Азот-кислород_2.jpg

– Ил Дархан COVID-19 утары охсуһууга таһаарбыт дьаһалынан «Сахаагроплем» элбэх үлэни ыытта: медицинаҕа анаан эмп сириэстибэтин оҥорон таһаарарга Арассыыйа Федерациятын Бырамыысыланнаска уонна эргиэҥҥэ министиэристибэтин анал лиссиэнсийэтин итиэннэ Евразия Экэнэмиичэскэй Сойууһун сэртипикээтин ылла, медицина кислородун оҥорорго АКДС исписэлиистэрин уонна хаачыстыба хонтуруолун сулууспатын үлэһиттэрин үөрэттэрдэ, бородууксуйа хаачыстыбатын хонтуруоллуур лабораторияны оҥордо уо.д.а. Өрөспүүбүлүкэ Бырабыыталыстыбата кислороду оҥорон таһаарар паарканы саҥардар туһунан быһаарыыны ылла. Онон, кэлэр сыл ыам ыйын 1 күнүгэр диэри Азоту-кислороду оҥорор саҥа ыстаансыйа үлэҕэ киллэриллиэ диэн эрэнэбит, – диэтэ Михаил Никифоров.

-- Биһиги сүөһүнү иитиини, сиртэн үүнээйи ылыыны таһынан доруобуйа харыстабылын боппуруоһунан эмиэ дьарыктанан эрэбит. Өрөспүүбүлүкэ салалтатын сорудаҕынан, медицинскэй кислороду оҥорон таһаарыахпыт. АКДС кэлэктиибигэр махталбын биллэрэбин, пандемия кэмигэр төгүрүк суукка устатыгар тохтоло суох, икки-үс симиэнэнэн үлэлээтилэр, кинилэр көстүбэт фронт байыастара буоллулар, – диэтэ тыа хаһаайыстыбатын миниистирин солбуйааччы Николай Афанасьев уонна бастыҥ үлэһиттэргэ Махтал суруктары туттартаата.

Азот-кислород_3.jpg

Тэрээһин долгутуулаах түгэнинэн «Сахаагроплем» СБТ дириэктэрэ Алексей Жирков уонна «Дьокуускайдааҕы өрөспүүбүлүкэ клиническэй балыыһата» СБТ кылаабынай бырааһын солбуйааччы Геннадий Тайшин медицинскэй кислороду хааччыйар туһунан хантараахха илии баттаһыылара буолла. АКДС-тан бастакы партия медицинскэй кислород өрөспүүбүлүкэтээҕи балыыһаҕа барда.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23