Гран-при номинаннарын экспертэр бэриллибит сайаапка ахсаанынан эрэ буолбакка, бүттүүн хамаанда үлэтин хаачыстыбатынан сыаналаатылар.
Горнай улуус бириэмийэҕэ 23 сайаапканы биэрбит, онтон 7 Саха Сирин 100 бастың эбийиэктэрин шорт-лиистэригэр киирдэ, оттон 2 эбийиэк бэйэлэрин номинацияларыгар кыайыылаахтарынан ааттаннылар.
Ол курдук, бастың тиэргэн территориятынан Горнай улууhун Маҕарас с. Мини-паарката буолла. Ааптардар — Nomado архитектурнай бюро Nomado, Анку Гасич уонна Айталина Брызгалова (сакаасчыт: СѲ Баhылыгын иhинэн архитектура уонна куораты тутуу управлениета, бэдэрээтчит «Охоноос» ХЭО).
«Куорат эйгэтин бастың дизайна» номинация Горнай улуус Бэрдьигэстээх с. дизайн-кодугар ттуттарылынна, ааптардар кэлэктииптэрэ: «База 14» архитектурнай бюро, АГИКИ дизайңңа кафедрата кыттыылаах Мария Скрябина (сакаасчыт: Горнай улууhун уонна Бэрдьигэстээх нэhилиэгин дьаhалтата, бэдэрээтчит: «Томтор» ТК ХЭО).
«Быйыл биhиги архитектура уонна дизайн эйгэтигэр эhиги, аныгы архитектордар, айымньылаах үлэҕит оруолун уонна суолтатын бэлиэтээри туспа бириэмийэни олохтоотубут. Куораттар уонна дэриэбинэлэр сайдалларыгар комплекснай сыhыан, күүстээх каадырдар уонна хамаандалар улахан суолталаахтар. Дьиэлэр уонна эбийиэктэр архитектурнай кѳстүүлэриттэн элбэх тутулуктанар, ол иhигэр ѳрѳспүүбүлүкэ нэhилиэнньэлээх пууннарыгар комфортнай эйгэни үѳскэтэргэ олохтоохтор настарыанньалара уонна сыhыаннара эмиэ», — диэн Саха Сирин Баhылыга
Айсен Николаев бэйэтин видеонан эҕэрдэтигэр тоhоҕолоон эттэ.
Ил Дархан ѳрѳспүүбүлүкэ олохтоохторун ааттарыттан куонкурус бары кыттыылаахтарыгар таhаарыылаах үлэлэрин, үрдүк уус-уран үгэстэргэ бэриниилээхтэрин, тѳрѳѳбүт сирдэригэр истиң тапталларын, эрэгийиэн сайдыытыгар киллэрэр кылааттарын, талааннарын иhин махтанна.
«ЭЙГЭ-2022» Саха Сирин бастакы ѳрѳспүүбүлүкэтээҕи архитектурнай бириэмийэтин түмүктэринэн 10 номинацияҕа Дьокуускай к., Хаңалас, Ѳлүѳхүмэ, Чурапчы улуустарыттан кыайыылаахтар быhаарылыннылар. Хас биирдии ааптардар кэлэктииптэрэ профессиональнай холбоhуктар билиниилэрин быhыытынан бириэмийэ статуэткатын тутта.
Мария Васильева, СИА, хаартыскаҕа түhэриитэ.
- 0
- 0
- 0
- 0
- 0
- 0