Издательский дом Редакция Подписка
Погода в Якутске: . -12 oC

Саха аптаныамыйатын төрүттэспит уһулуччулаах судаарыстыбаннай, бэлитиичэскэй диэйэтэл Исидор Барахов төрөөбүтэ 125 сылыгар анаан «Бараахап туһунан ырыа» сахалыы ырыаны нууччалыы тылбаастааһыҥҥа аһаҕас өрөспүүбүлүкэтээҕи күрэх ыытыллар. Бу туһунан Yөһээ Бүлүү улууhун дьаhалтата иhитиннэрэр.

Саха аптаныамыйатын төрүттэспит уһулуччулаах судаарыстыбаннай, бэлитиичэскэй диэйэтэл Исидор Барахов төрөөбүтэ 125 сылыгар анаан «Бараахап туһунан ырыа» сахалыы ырыаны нууччалыы тылбаастааһыҥҥа аһаҕас өрөспүүбүлүкэтээҕи күрэх ыытыллар. Бу туһунан Yөһээ Бүлүү улууhун дьаhалтата иhитиннэрэр.

Күрэх сыала-соруга: Саха аптаныамыйатын төрүттэспит Исидор Барахов үтүө аатын киэҥ эйгэҕэ тарҕатыы, үүнэр көлүөнэни устуоруйа чахчыларыгар олоҕуран иитии-үөрэтии, «Бараахап туһунан ырыа» сахалыы ырыаны нууччалыы ыллатан, саха чулуу уолун аатын Бүтүн Арассыыйа дьонун билиниилэрин ситиһии.

Ырыа тылбааһын куонкуруһун «Үөһээ Бүлүү улууһа (оройуона)» МО, «Культура уонна духуобунай сайдыы департамена» МКТ, «Норуот айымньытын киинэ» МАТ тэрийэллэр.

Уйбаан Ороһуунускай тылларыгар, олохтоох мелодистар В.В. Ефимов – Баянист Баака, Т.И. Шестаков матыыптарыгар И.Н.Барахов төрөөбүтэ 100 сылыгар ананан суруллубут «Бараахап туһунан ырыа» нууччалыы тылбааһа айыллыбыт матыыбыгар сөп түбэһиэхтээх.  Күрэххэ кыттыыга сааһынан хааччах суох. Кыттааччы анал анкетаны, тылбааһын Адрес электронной почты защищен от спам-ботов. Для просмотра адреса в вашем браузере должен быть включен Javascript. электроннай аадырыска 2023 сыл олунньу 1 күнүгэр диэри ыытыан сөп.

«Дьүүллүүр сүбэ быһаарыытынан кыайыылаахха «Кылаан чыпчаал» аат иҥэриллэр. Айыллыбыт «Бараахап туһунан ырыа» сахалыы ырыа тылбааһа 2023 сылга И.Н. Барахов төрөөбүтэ 125 сылыгар аналлаах Москуба куоракка ыытыллар тэрээһиннэргэ ылланыаҕа. Күрэх кыттыылаахтарыгар электроннай туоһу сурук бэриллэр», — диэн этиллэр.

«Бараахап туһунан ырыа» тыллара

Дьол, көҥүл кыайарын туһугар
Дьаалхааннаах охсуһуу дьылыгар,
Хотойдуу кэккэҕэ көппүтүҥ,
Харбалаах буоруттан үүммүтүҥ.

Хос ырыата:
Номохтоох олоҕуҥ анала,
Норуотуҥ махтала, таптала
Бараахап, тыыннаахтан тыыннааххын,
Барҕарыы суолларын ыйаҕын.

Сахабыт саргытын салайсан
Хараҥа хараҕын аспыккыт,
Сырдыктаах аартыгы арыйан
Харса суох инники киирбиккит.

Хос ырыата:
Номохтоох олоҕуҥ анала,
Норуотуҥ махтала, таптала
Бараахап тыыннаахтан тыыннааххын,
Барҕарыы суолларын ыйаҕын.

Эрчимнээх, төлөннөөх сүрэҕэ
Саха дьон туһугар тэбиэхтин,
Сандаарар үйэттэн-үйэҕэ
Эн аатыҥ өрүүтүн тиллиэхтин.

Хос ырыата:
Номохтоох олоҕуҥ анала,
Норуотуҥ махтала, таптала
Бараахап тыыннаахтан тыыннааххын,
Барҕарыы суолларын ыйаҕын.

  • 5
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23