“Икки нэдиэлэ анараа өттүгэр анал байыаннай эпэрээссийэ кыттыылаахтарын дьиэ кэргэттэрин сокуоннай саастарын ситэ илик чилиэннэригэр кѳмѳлѳhѳр үлэни тэрийэр туhунан этии киирбитэ. Оҕолор интэриниэт уонна социальнай ситимнэр сабыдыалларыгар ордук киирэллэр. Бырагыраама кинилэри дьиң олоххо чугаhатар, адаптациялыыр аналлаах”, — диэн СѲ Бырабыыталыстыбатын Бэрэссэдээтэлин солбуйааччы Ольга Балабкина бэйэтин брифинигэр эттэ.
18-гар диэри саастаахтарга анаммыт саҥа бырагыраама олунньу 20 күнүттэн үлэлиэҕэ. Кинилэр улахан дьон арыаллаах 21 күн устата психологтары уонна педагогтары кытта дьарыктаныахтара уонна социальнай медицина процедураларын босхо ылыахтара.
Өрөспүүбүлүкэ нэhилиэнньэ социальнай көмүскэлигэр управлениелара бырагыраамаҕа сайаапкалары олунньу 1 күнүттэн тутан барыахтара.
- 0
- 0
- 0
- 0
- 0
- 0