Ол эрэн, Кэриэйэ Өрөспүүбүлүкэтигэр турист курдук көтүү өссө да бобуллан турар. «Известия» хаһыат иһитиннэрэринэн, үөрэнэ, эмтэнэ эрэ барар көҥүллэнэр.
Дойдуга киирээри гынар дьон Korea Electronic Travel Authorization (K-ETA) электроннай авторизация тиһигэр регистрацияны ааһыахтарын наада. Бу туһунан Кэриэйэҕэ Арассыыйа посольствотын пресс-сулууспата сэрэдэҕэ, кулун тутар 23 күнүгэр, биллэрдэ.
Арассыыйа гражданнара Соҕуруу Кэриэйэҕэ биир сырыыга 60 күнтэн уһуна суох кэм устата сылдьыахтарын сөп. 180 күннээх кэрчик кэм устатыгар күн ахсаана 90-тан элбиэ суохтаах.
Соҕуруу Кэриэйэҕэ тиийээри көтүөх 72 чаас иннинэ ПЦР тест оҥоһуллуохтаах уонна 48 чаас иннинэ коронавирус чинчитэ суоҕун туһунан ыспыраапка ылыллыахтаах.
- 0
- 0
- 0
- 1
- 0
- 0