Күн бүгүн аспаалы устан баран пандус оҥордулар, опалубка уонна армокаркас туруора сылдьаллар. Ол туһунан «Дьокуускай аэропуорт» АУо пресс-сулууспата иһитиннэрэр. Ону таһынан, тутааччылар көтөр аал эргийэр сирин кэҥэтэллэр, аэродрому күрүөлүүр, суолу кэтиир сири саҥардар үлэни ыыталлар.
Реконструкция кэмигэр олохтоох аэропуорт 1650 м. уһуннаах балаһаҕа сөмөлүөттэри көтүтэр уонна түһэрэр. Балаһаны өрөмүөннүүр кэмнэригэр «Якутия», «Сибирь/S7», «Ираэро» авиахампаанньа көтөр. Екатеринбург, Новосибирскай, Сибиир уонна Уһук Илин куораттарыгар быһа рейс оҥоһуллар, оттон Москваҕа, Санкт-Петербурга, курортнай куораттарга стыковочнай рейс көтөр. Сөмөлүөт аара суолга тохтоон, сапыраапкаланан ааһар.
Бэс ыйын 16 күнүттэн 1800 м. балаһа аһыллан, Boeing-737-800, Sukhoi Superjet 100 уонна Airbus 320neo көтөр ааллар дьону таһыахтара. 2023с. алтынньы 1 күнүгэр Дьокуускай аэропуордун өрөмүөнэ бүтэн, сөмөлүөттэр 3600 м. саҥардыллыбыт балаһаҕа түһүөхтэрэ.
Саргылана Сандар хаартыската
-
0
-
0
-
0
-
0
-
0
-
0
