S7 авиахампаанньа Новосибирскайга нэдиэлэ устата сууккаҕа 5 рейсэ оҥоруоҕа, Иркутскайга күн аайы, Владивостокка нэдиэлэҕэ түөртэ көтүөҕэ.
«Якутия» авиахампаанньа Москваҕа Нижневартовскай нөҥүө көтөр, онно 40 мүн. тиэхэньиичэскэй тохтобул оҥоһуллар. Санкт-Петербург куоракка көтөрүгэр Екатеринбурга, Сочига, Минеральные Воды барарыгар Москваҕа тохтоон ааһар. Сибиир, Уһук Илин куораттарыгар рейсэ салҕаныаҕа. Ону таһынан, Дьокуускай – Харбин рейсэ аһыллыаҕа.
Бэс ыйын 17 күнүттэн «Уральские авиалинии» авиахампаанньа нэдиэлэҕэ түөртэ Екатеринбург куоракка көтөр. Итиэннэ «КрасАвиа» авиахампаанньа Красноярскайга көтөрүн курдук кэпсэтии бара турар.
Өрөспүүбүлүкэ иһигэр көтөр рейсэлэргэ сөмөлүөт түһэр-көтөр балаһатын өрөмүөнэ сабыдыаллаабат.
- 0
- 0
- 0
- 0
- 0
- 0