Издательский дом Редакция Подписка
Погода в Якутске: . -12 oC

Буолан ааспыт Өрөспүүбүлүкэтээҕи төрөппүт сугулааныгар Ил Дархан ийэтэ, өр сылларга Үөһээ Бүлүү Үөрэх салалтатыгар үлэлээбит, үөрэх-иитии эйгэтигэр дириҥ билиилээх Тамара Сергеевна Николаева кэпсэтии түһүлгэтигэр кыттан дьону кытта сэһэргэстэ.

Буолан ааспыт Өрөспүүбүлүкэтээҕи төрөппүт сугулааныгар Ил Дархан ийэтэ, өр сылларга Үөһээ Бүлүү Үөрэх салалтатыгар үлэлээбит, үөрэх-иитии эйгэтигэр дириҥ билиилээх Тамара Сергеевна Николаева кэпсэтии түһүлгэтигэр кыттан дьону кытта сэһэргэстэ.

- Кини кэпсээниттэн манныгы бэлиэтии иһиттим. Биир сүрүн этиитэ: төрөппүт оҕотун сахалыы саҥардара - өрөспүүбүлүкэбит иннигэр ытык иэһэ. Саха Сиригэр сахалыы саҥарбат оҕо сайдыбат, ситиһиилэммэт. Ханнык баҕарар тыа сиригэр сайдыылаах, үрдүк таһымнаах билиилээх-көрүүлээх киһи иитиллэн тахсыан сөп. Чахчы даҕаны, билигин бас-көс дьоммут, биллэр-көстөр, омук сайдыытыгар өҥөлөөх дьон үксүлэрэ улуустан, тыаттан сылдьаллар. Сайдыы мэктиэтэ – куоракка үөрэнии буолбатах. Кинигэни ааҕыы оҕо сайдарыгар улахан суолтатын тоһоҕолоото. Кини дьиэтигэр 7000 кэриҥэ кинигэ баар эбит. Манна даҕатан эттэххэ, оҕо төрөппүттэрин санаатын ылынан, тулалыыр дьонун толкуйун иҥэринэн үүнэн тахсара илэ көстөн кэллэ. Мин 2011 сыллаахха тыл туһугар туруулаһар үлэм саҥа саҕаланар кэмигэр Дьокуускай үөрэх салалтатыгар ыҥыран ылан: «Тоҕо саха кылааһыгар оҕоҕун киллэрэ сатыыгын, оҕоҥ инникитин быһаҕын, киин үрдүк үөрэх кыһаларыгар сатаан киириэ суоҕа» диэн турардаахтар.

OnaSpxo5Cm

Итинник сыһыан баарын билбит киһиэхэ Айсен Сергеевич 2012 сыллаахха Дьокуускай мэра буолаат, тыл туһугар үлэтин саҕалаабыта улахан суолталаах этэ. Сахалыы иитэр-үөрэтэр кылаастары, бөлөхтөрү элбэтэр былааны оҥотторбута. Ону толороору бастакы  сылларга хаста даҕаны уопсастыбанньыктары, үөрэх салалтатын, дириэктэрдэри, сэбиэдиссэйдэри ыҥыран мунньахтыыра. Былаан төһө туоларын, туох кыһалҕа баарын ырытыһарбыт. Ол курдук, араас үлэ оҥоһуллан хамсааһын бөҕөтө барбыта. Кини мэр эрдэҕинэ, төһө да мэһэйдэр, араас таһымнаах утарсыылар баалларын үрдүнэн төрөппүттэр туруорсууларын өйөөн «Айыы кыһата» оскуола арыллыбыта, толору сахалыы буолара мэктиэлэммитэ. Онтон Айсен Сергеевич Ил Дархан буолбутун кэннэ бырабыыталыстыбаҕа тылы  сайыннарар салалта арыллыбыта, тыл сайдыытыгар анал бырагыраама оҥоһуллубута, онно үп көрүллүбүтэ элбэҕи этэр. Былырыын 56 мөл., быйыл - 100 мөл. Ойуулуктар бөҕө оҥоһуллаллар, тылбаастаналлар. Быйыл эмиэ тылга элбэх быһаарыы, ураах ылылынна. Тыл күнүгэр кини эппит тылын сүрдээҕин биһирии, олуһун үөрэ иһиттибит. Айсен Сергеевич омук сайдыытыгар тылы суолталыыр өйдөбүлэ олоҥхоһут эһэтин батыһа сылдьан иҥэриннэҕэ, ийэтин иитиитин, үөрэтиитин-такайыытын ылыннаҕа. Ийэтэ сиэннэрин сайдыытыгар эмиэ үлэлэһэр эбит. Куоракка үөрэнэн испит сиэнин бэйэтигэр - Үөһээ Бүлүүгэ көһөрөн үөрэттэрбитэ элбэҕи биэрбитин бэлиэтиир. Тамара Сергеевна оҕо сахалыы эрэ буолбакка хайаан да үс тылынан толору саҥарарыгар болҕомто уурар.

Оннук ээ, сахалыы саҥарбакка, нууччалыы сахалыы буккуйан кэпсэтэр, эбэтэр олох нууччалыы эрэ тыллаах оҕо биир эрэ тылланар. Оччоҕо толкуйдуур да дьоҕура ситэри арыллыбат, саҥарар да таһыма мөлтүүр. Оҕо сахалыы саҥардаҕына толору, атын тылы буккуйбакка сахалыы эрэ саҥарыахтаах, нууччалыы саҥардаҕына эмиэ оннук. Оттон атын үһүс омук тылынан саҥарар буоллаҕына мэйиитин үлэтэ өссө күүһүрэр. Онон бу холобурунан өйдүөххэ – оҕо сайдыыта төрөппүттэн тутулуктаах: ийэ, аҕа оҕо сайдар эйгэтин олохтууруттан, эбэтин эһэтин иитиититтэн.

Никитина ВИЛЮЯНА,

«Ийэ тыл кэскилэ» Өрөспүүбүлүкэтээҕи хамсааһын салайааччыта

 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23