- Аҕа дойдуну көмүскээһин – бу хаһаахтар төрүт үгэстэрэ. 300 сыл устуоруйалаах саха хаһаах этэрээтэ кыргыһыы хонуутугар утарсыыны оҥорорго бэлэмнэрин биллэрдилэр. Байыастар Сирияҕа, Хотугу Хапкааска уонна Донбасска кыттыбыт уопуттаахтар, – диэн ВестиСаха иһитиннэрэр.
- Хамаанда 50-ча киһилээх тэрилиннэ. Бу дьоһуннаах этэрээт. Сорох байыастар иккилии, үстүү, түөртүү сэриини ааспыттара. Ону таһынан, баҕа өттүнэн саҥа киирбит буойуоттар эмиэ бааллар. Кинилэр бары дойду дьиҥнээх патриоттара, - диэн саха хаһаах этээрээтин атамана Александр Козырь кэпсээтэ. Байыаннай эпэрээссийэҕэ айанныахтарын иннинэ, хас биирдии байыас олус күүстээх тургутууну ааста. Ол курдук, буойуттар Дьокуускайдааҕы ДОСААФ базатыгар Оборуонаҕа министиэристибитэ бигэргэппит байыаннай үөрэхтээһин бэлэмнэнии бырагырааматын бардылар. Норуот фронун хонтуруолугар сылдьар экипировкаларын өрөспүүбүлүкэ бырабыыталыстыбата хааччыйда. Оттон баайыы таҥастары Дьокуускайдааҕы классическай гимназия үөрэнээччилэрэ бэлэхтээтилэр.
- Норуот фрона, бүтүн дойду ыытар бэлиитикэтин курдук, бырабыыталыстыбаттан биэнсиэйэлээххэ тиийэ туох кыалларынан көмө оҥороллор. Барыгытыгар ситииһини, тулууру баҕарабын!, - диэтэ Бүтүн Арассыыйатааҕы норуот фронун Саха Сиринээҕи салаатын исполкомун бэрэссэдээтэлэ, норуот дьокутаата Валерий Лютай.
Санаттахха, анал байыаннай эпэрээссийэҕэ саха хаһаахтарын үһүс этэрээтэ айанныыр. Үгүс буойуттарга бу судургута суох быһаарыныы, ол эрээри Ийэ дойдуну көмүскээһин – хас биирдии эр киһи ытык иэһэ. Хаһаахтар туруоруллубут соруктар толорулларыгар бигэ эрэллээхтэр.
-
3
-
0
-
0
-
0
-
0
-
1
