Издательский дом Редакция Подписка
Погода в Якутске: . -39 oC

Аныгы киһи хас даҕаны маҕаһыын кэрийэн, күнүн-дьылын барыан оннугар куйаар ситимигэр киирэн, наадыйбыт табаарын барытын сакаастыыр кыахтаах. Арассыыйаҕа уонна кэккэ дойдуларга биир саамай улахан онлайн-гипермаркет «Wildberries» нөҥүө таҥас-сап, дьиэҕэ туттар тэрил арааһын сакаастыыллар. Ааспыт нэдиэлэҕэ маркетплейс үлэтэ харгыстаммыт, сакааһы биэрэр пууннар хампаанньа киллэрбит ыстараабын утаран бууннаан, сорохтор сабыллыбыттар диэн сурах тарҕанна.

Аныгы киһи хас даҕаны маҕаһыын кэрийэн, күнүн-дьылын барыан оннугар куйаар ситимигэр киирэн, наадыйбыт табаарын барытын сакаастыыр кыахтаах. Арассыыйаҕа уонна кэккэ дойдуларга биир саамай улахан онлайн-гипермаркет «Wildberries» нөҥүө таҥас-сап, дьиэҕэ туттар тэрил арааһын сакаастыыллар. Ааспыт нэдиэлэҕэ маркетплейс үлэтэ харгыстаммыт, сакааһы биэрэр пууннар хампаанньа киллэрбит ыстараабын утаран бууннаан, сорохтор сабыллыбыттар диэн сурах тарҕанна.

Дьокуускайга «Wildberries» сакааһы биэрэр 52 пуунуттан, биллэн турар, барытын кыайан кэрийбэтибит. Куорат киинигэр баар пууннар тиһигин быспакка үлэлии тураллар.

«Интэриниэккэ арааһы бары суруйаллар, баҕар, ким эмит собостуопкалаан үлэлии тахсыбатаҕа буолуо. Урукку өттүгэр сакааһы сөмөлүөтүнэн аҕалар этилэр, онон баһыылка түргэнник кэлэрэ. Билигин таһаҕаһы тиэйэр улахан фуранан ыыталлар, онон сакаас арыый өр айаннаан кэлэр, ортотунан икки нэдиэлэ. Дьокуускай уонна Аллараа Бэстээх икки ардыгар кыһыҥҥы суол сабылыннаҕына, табаар тиэйиитэ тохтоон хаалбат, сөмөлүөтүнэн ыытыахтарын сөп»,  — диэн быһаарда сакааһы биэрэр менеджер.

Маркетплейс тула айдаан тахсыбытын кэннэ хампаанньа 10 000 тахса олоҕо суох ааҕыллыбыт ыстараабы сотто. Маннык быһыы-майгы аны хатыламматын туһугар Госдумаҕа сокуоҥҥа уларытыы киллэрэри бэлэмнииллэр.

Онон Сахабыт Сирин олохтоохторо куттаммакка «Wildberries» нөҥүө хайа талбыт табаардарын сакаастыыр кыахтаахтар.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением