Бу тэрээhиҥҥэ СѲ Бырабыыталыстыбатын Бэрэссэдээтэлин солбуйааччы С.В. Местников, СѲ култуураҕа уонна духуобунай сайдыыга миниистирэ Ю.С. Куприянов, саха норуодунай суруйааччыта, П.А. Ойуунускай аат. литэрэтиирэ түмэлин дириэктэрэ Н.А. Лугинов, VR-оонньууну оҥорбут «ИТ-Генератор» ХЭУо генеральнай дириэктэрэ В.С. Егоров, П.А. Ойуунускай аат. Саха академическай тыйаатыр артыыhа, СѲ үтүѳлээх артыыhа К.М. Семенов, буойун-суруйааччы Тимофей Сметанин уонна кини доҕоро, Саха АССР оскуолатын үтүѳлээх учуутала Яков Стручков аймахтара, А.Г. уонна Н.К. Чиряевтар аат. Дьокуускай куораттааҕы Национальнай гимназия үѳрэнээччилэрэ, учууталлара уо.д.а. кытыннылар. Оҕолор ыалдьыттар уонна түмэл үлэhиттэрин саха тылын таптыырга, сахалыы кинигэни ааҕарга ыҥырар тылларын-ѳстѳрүн болҕойон иhиттилэр, саҥа оонньууга оонньоон кѳрдүлэр.
«Мэхээлээчээн булчут кэпсээннэрэ» VR-оонньуу Саха Ѳрѳспүүбүлүкэтигэр судаарыстыбаннай уонна официальнай тыллары харыстааhын уонна сайыннарыы бырагырааматын чэрчитинэн олоххо киллэрилиннэ уонна саха литэрэтиирэтин айымньытынан виртуальнай чахчыга оҥоhуллубут бастакы бырайыак буолар. Бу оонньуу П.А. Ойуунускай аат. литэрэтиирэ түмэлин эдэр сылдьааччыларыгар ананар, кинилэри саха фольклоругар уонна уус-уран литэрэтиирэтигэр сыhыарар суолталаах. Мантан инэ оҕолорго уонна улахан дьоҥҥо аhаҕас.
Сиhилии «Ил Түмэн» хаhыат кэлэр нүѳмэригэр ааҕыҥ.
Ааптар хаартыскаҕа түhэриилэрэ.
-
1
-
0
-
0
-
0
-
0
-
0
