Чуолаан, итирик сылдьан бырааба быһыллыбыт суоппар, административнай сокуону кэһии туһунан уураах тахсыбытын кэннэ, сыл устата иккиһин эксээмэни туттарара уонна дастабырыанньаны ылара бобуллар. Сокуон барыла 2024 с. муус устар 1 күнүттэн күүһүгэр киириэҕэ.
Докумуоҥҥа суруллубутунан, суоппарга эксээмэни туттарыы уонна туһааннаах дастабырыанньаны биэрии тохтотуллар:
- тырааныспар бары көрүҥүн ыытарга дастабыарынньаны былдьаппыттарга;
- итирик туруктаах сылдьан административнай эппиэтинэскэ тардыллыбыттарга;
- ирдэбил быһыытынан итирик туруктаах буоларын быһаарарга мэдиссиинэ бэрэбиэркэтиттэн акаастанааччыларга;
- тырааныспары ыытар быһыллыбыт бырааптаахтарга уонна ону кытта сибээстээх үлэнэн дьарыктаначчыларга.
Билигин РФ административнай Кодексатынан итирик туруктаах сылдьан тутуллубут суоппар 30 тыһ. солк. суумалаах ыстараап төлүүр уонна икки сылга диэри болдьоххо тырааныспары ыытар бырааба быһыллар. Оттон тырааныспары ыытар бырааба суох киһи уруулга олорон тутулуннаҕына, ыстарааптанар уонна 15 сууккаҕа диэри хаайыллар.
- 13
- 0
- 0
- 3
- 2
- 18