Издательский дом Редакция Подписка
Погода в Якутске: . -7 oC

Арассыыйа Федерациятын Бэрэсидьиэнэ Владимир Путин балаҕан ыйын 11 күнүгэр,   Илиҥҥи экэниэмикэ пуорумун  чэрчитинэн, Уһун Илиҥҥи эрэгийиэн куораттарын, ол иһигэр Нерюнгрины, сайыннарыы бырагыраамаларын олоххо киллэрии хаамыытын билистэ.

Арассыыйа Федерациятын Бэрэсидьиэнэ Владимир Путин балаҕан ыйын 11 күнүгэр,   Илиҥҥи экэниэмикэ пуорумун  чэрчитинэн, Уһун Илиҥҥи эрэгийиэн куораттарын, ол иһигэр Нерюнгрины, сайыннарыы бырагыраамаларын олоххо киллэрии хаамыытын билистэ.

--Владимир Владимирович Нерюнгри уонна Уһук Илин куораттарын сайыннарыы маастар-былаанын өйөөтө итиэннэ бу куораттар кэлим сайдыыларын былааннарын бигэргэтэргэ сорудахтаата. Өйөөбүтүн иһин,  дойду Бэрэсидьиэнигэр махтанабын, -- диэтэ Ил Дархан Айсен Николаев.   

Нерюнгри маастар-былаана куорат туруктаах социальнай-экономическай сайдыытын хааччыйар, олох-дьаһах хаачыстыбатын тупсарар сыаллаах,  олохтоохтор этиилэригэр олоҕуран оҥоһуллубута. Куорат олохтоохторун оройуоннааҕы киин балыыһа эбийиэктэрин сөргүтүү уонна олорор дьиэни-уоту хапытаалынайдык өрөмүөннээһин, кэлим тутуу итиэннэ Култуура пааркатын оҥоруу боппуруостара ордук долгутар эбиттэр. Маастар-былаан Нерюнгри куорат  кэлэр көлүөнэ олохтоохторугар бөҕө туруктаах социальнай-экономическэй усулуобуйаны тэрийэргэ олук буолуоҕа.

Бу иннинэ Бэрэсидьиэн  Дьокуускай куорат маастар-былаанын өйөөбүтэ, онно сүрүн тирэх эбийиэк Өлүөнэни туоруур муостаны тутуу этэ.

Маастар-былаан диэн туох, ханна тутулларын туһунан генеральнай былаан эрэ буолбатах, бу – экономиканы, социальной эйгэни сайыннарар, үлэ ресурсаларын табыгастаахтык аттаран туруорар сайдыы кэнсиэпсийэтэ. Олохтоох нэһилиэнньэ ирдэбилигэр, наадыйыытыгар олоҕуран оҥоһуллар. Ыйытык түмүгэ көрдөрбүтүнэн, Дьокуускай уонна Нерюнгри куораттар олохтоохторо быһаарыыны эрэйэр кыһалҕа быһыытынан сууллары турар, эргэ дьиэлэри, суол-иис уонна социальнай эбийиэктэр туруктарын ыйбыттар, куорат эйгэтин тупсарарга эппиттэр.  

ВЭФ_--_Путин.jpeg

Уһун Илиҥҥи федеральнай уокурук куораттарын маастар-былааннара Владимир Путин 2021 сыллаахха Уһук Илиҥҥи экэниэмикэ пуорумугар биэрбит сорудаҕынан оҥоһуллар. Ону олоххо киллэриигэ эбии үбүлээһин көрүллүөҕэ: куораттары тупсарыыга сылга 5 млрд. солк., ону таһынан 100 млрд. солк. — 2023-2024 сс. инфраструктураларга бүддьүөт кирэдьиитин бырагырааматынан туспа лимиит быһыытынан. Бу туһунан Ил Дархан уонна Бырабыыталыстыба пресс-киинэ иһитиннэрэр.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением